Ավելի քան մեկ միլիոն մարդ Change.org կայքում ստորագրել է խնդրագիր՝ կոչ անելով դադարեցնել Ռուսաստանի ներխուժումն Ուկրաինա։ Կոչը կազմել է «Հանուն մարդու իրավունքների» իրավապաշտպան կազմակերպության ղեկավար Լև Պոնոմարևը չորս օր առաջ։
Դիմումի տեքստում ռուսներին կոչ է արվում «դառնալ հակապատերազմական շարժման մաս» և «հանդես գալ պատերազմին դեմ»։
«Դարձեք հակապատերազմական շարժման մաս, դեմ եղեք պատերազմին։ Դա արեք գոնե աշխարհին ցույց տալու համար, որ Ռուսաստանում եղել են, կան և կլինեն մարդիկ, ովքեր չեն ընդունելու իշխանությունների ստեղծած ստորությունը, որոնք Ռուսաստանի պետությունն ու ժողովուրդներին դարձրել են իրենց հանցագործության գործիք»։
Ինչպես նշվում է խնդագրի էջում, այն դարձել է ամենահայտնիներից մեկը Change.org-ում։
