Գերմանիայի արտգործնախարարը պատասխանել է Ուկրաինային

Գերմանիայի արտաքին գործերի նախարար Աննալենա Բուրբոքը հայտարարել է, որ մի քանի ամսում անհնար է Ուկրաինային ընդունել Եվրամիություն, քանի որ դրա համար անհրաժեշտ է մանրակրկիտ նախապատրաստություն։ Այս մասին նա հայտարարել է մամուլի ասուլիսում։

Ավելի վաղ Ուկրաինայի նախագահ Վլադիմիր Զելենսկին դիմել էր Եվրամիությանը՝ խնդրելով անհապաղ միացնել Ուկրաինային ԵՄ-ին նոր հատուկ ընթացակարգով։ 2019 թվականի փետրվարին Գերագույն Ռադան հավանություն է տվել Ուկրաինայի սահմանադրության փոփոխություններին՝ ամրագրելով երկրի ռազմավարական կուրսը Եվրամիությանն ու ՆԱՏՕ-ին միանալու ուղղությամբ։