«Այսօր ստորագրել եմ Եվրամիությանը Ուկրաինայի միանալու դիմումը։ Ես գրեթե համոզված եմ, որ դա իրական է»,- գրել է Ուկրաինայի նախագահ Վլադիմիր Զելենսկին։
Փաստաթղթի տակ նախագահ Զելենսկին դրել է իր ստորագրությունը և այն արդեն ուղարկվել է Բրյուսել։
«Այս նամակով Ուկրաինան, որպես եվրոպական պետություն, որը հարգում է Եվրոպական միության մասին պայմանագրի 2-րդ հոդվածում ամրագրված արժեքները, պատիվ ունի դիմել Եվրամիությանն անդամակցելու համար՝ համաձայն Եվրամիության մասին պայմանագրի 49-րդ հոդվածի»,-հավելել է Ուկրաինայի նախագահը։
Հոդված 2-ում ասվում է, որ Եվրամիությունը «հիմնված է մարդու արժանապատվության, ազատության, ժողովրդավարության, հավասարության, օրենքի գերակայության և մարդու իրավունքների հարգման արժեքների վրա, ներառյալ փոքրամասնություններին պատկանող անձանց իրավունքները»: 49-րդ հոդվածը սահմանում է ԵՄ-ին միանալու կանոնակարգերը։
