Disney-ն ու Sony-ն դադարեցրել են իրենց ֆիլմերի ցուցադրությունը ռուսական կինոթատրոններում

Ամերիկյան The Walt Disney Company ընկերությունը հայտարարել է, որ դադարեցնում է իր ֆիլմերի ցուցադրությունը Ռուսաստանում։ Այս մասին ասվում է Disney-ի հայտարարության մեջ:

«Հաշվի առնելով Ուկրաինայի վրա հարձակումը և ողբերգական հումանիտար ճգնաժամը՝ մենք դադարեցնում ենք Ռուսաստանում ֆիլմերի ցուցադրությունը, այդ թվում՝ «Я краснею» մուլտֆիլմի առաջիկա ցուցադրությունը»,-նշել են ընկերությունից։

Հետևելով Disney-ին, Warner Bros-ը չեղարկել է «Բեթմեն» ֆիլմի թողարկումը ռուսական կինոթատրոններում «Ուկրաինայում հումանիտար ճգնաժամի լույսի ներքո», հաղորդում է CNBC-ն՝ վկայակոչելով ընկերության հայտարարությունը։ Ռոբերտ Պատինսոնի մասնակցությամբ ֆիլմի պրեմիերան նախատեսված էր մարտի 2-ին Ռուսաստանում։

Sony-ն հայտարարել է նաև Ռուսաստանում իր ֆիլմերի ցուցադրությունների դադարեցման մասին։ «Հաշվի առնելով Ուկրաինայում շարունակվող ռազմական գործողությունները և դրա հետևանքով առաջացած անորոշությունն ու հումանիտար ճգնաժամը, որը տեղի է ունենում տարածաշրջանում, մենք կդադարեցնենք մեր պլանավորված թատերական ներկայացումները Ռուսաստանում, ներառյալ «Մորբիուսի» առաջիկա թողարկումը», – ասվում է հայտարարության մեջ։