Պատերազմի վեցերորդ օրը ռուսական բանակը ուժեղացրել է Խարկովի և Կիևի հրետակոծությունը։ Ուկրաինական կողմը հայտնում է խաղաղ բնակչության շրջանում տասնյակ զոհերի մասին։ Ռուսական զորքերը շարունակում են շրջապատել Կիևը՝ քաղաքում բարիկադներ կառուցելով և պաշտպանությանը նախապատրաստվելով։ Վլադիմիր Զելենսկին Ուկրաինայի՝ Եվրամիություն արագ մուտք գործելու դիմում է ներկայացրել։ ԵՄ ութ երկրների ղեկավարները կոչ են արել Ուկրաինային տալ թեկնածու երկրի կարգավիճակ։ Լուսանկարներով ձեզ ենք ներկայացնում պատերազմի վեցերորդ օրը Ուկրաինայում։
Կիևի հյուսիսում քաղաքացիներն անցնում են գետը պայթեցված կամրջով։
Կիևի մոտ գտնվող Բրովարիի հրետակոծության հետևանքները։
Զինվորներ առանց տարբերանշանների ԿԺԴՀ-ի կողմից վերահսկվող Նիկոլաևկա գյուղում։
Վնասներ վարչական շենքի ներսում
Խարկովի բնակիչները մարդասիրական օգնություն են հավաքում։
Անցակետ Կիևի կենտրոնում. Քաղաքը պատրաստվում է պաշտպանության։
Մայրերն ու երեխաները թաքնվում են Կիևի Օխմատդիտ մանկական հիվանդանոցի նկուղում։
Կամավորները քողարկման ցանցեր են պատրաստում ուկրաինացի զինվորականների համար․ Լվովի Իվանիչուկի անվան գրադարան
Ռուսական զորքերը հարձակվել են Կիևի հեռուստաաշտարակի վրա։ Ըստ իշխանությունների՝ հինգ մարդ է զոհվել: Ռուսաստանի Դաշնության պաշտպանության նախարարությունը նախազգուշացրել է Կիևում հարվածների մասին՝ «տեղեկատվական հարձակումները ճնշելու համար»։
Կենդանիների պահապան Կիրիլո Տրանտինը Կիևի կենդանաբանական այգում հանգստացնում է փղին։
