Հաագայի Միջազգային քրեական դատարանը (ՄՔԴ) 39 մասնակից երկրների բողոքից հետո սկսել է ռազմական գործողությունների ընթացքում Ուկրաինայի տարածքում կատարված հնարավոր ռազմական հանցագործությունների հետաքննությունը։
«Ապացույցների հավաքման աշխատանքներն արդեն սկսվել են», -հայտնել է ՄՔԴ դատախազ Քարիմ Խանը:
«Նախաքննությունը ցույց է տվել, որ հիմնավոր կասկածներ կան, որ ՄՔԴ-ի իրավասության ներքո գտնվող հանցագործություններ են կատարվել Ուկրաինայում»,- ասված է դատարանի կայքում տեղադրված հաղորդագրության մեջ։
ՄՔԴ-ն քրեական հետապնդում է իրականացնում ցեղասպանության, պատերազմական հանցագործությունների, մարդկության դեմ հանցագործությունների և ագրեսիայի հանցագործությունների համար: Դատարանը իր աշխատանքը սկսել է 2002թ։
Ռուսաստանը ՄՔԴ-ի անդամ չէ, թեև մի քանի տարի՝ մինչև 2014 թվականին Ղրիմի բռնակցումը, համագործակցել է դատարանի հետ։
Հիմնականում ՄՔԴ-ն մինչ այժմ հետաքննում էր աֆրիկյան երկրներին առնչվող գործերը
