Համաշխարհային շուկայի մեկ երրորդից ավելին սպասարկող կոնտեյներային գծերը դադարում են աշխատել Ռուսաստանի հետ։ Ամրագրումների կասեցման մասին, մասնավորապես, պաշտոնապես հայտարարել են Maersk-ը, Mediterranean Shipping Company-ն և CMA CGM-ը։
Վերլուծաբանների կարծիքով՝ ռուսական լոգիստիկայի ոլորտում նման խոշոր և խորապես ինտեգրված խաղացողների հեռանալն անսպասելի էր, բոլորը հույս ունեին, որ պատժամիջոցների պայմաններում մրցակցային շուկաների մասնակիցները կփորձեն հնարավորինս երկար պահպանել իրենց դիրքերը։ Maersk-ի որոշումը կարող է խաթարել մատակարարման բոլոր շղթաները, որոնցում ներգրավված է ընկերությունը։
Միջազգային կոնտեյներային գծերը, որոնք ռուս-ուկրաինական հակամարտության սկզբում միայն շրջանցում էին պատերազմական գոտին, սկսեցին պաշտոնապես հրաժարվել Ռուսաստանին սպասարկելուց։ Մարտի 1-ից Maersk-ը ժամանակավորապես դադարեցնում է ծովային, օդային և երկաթուղային բեռնափոխադրումները Ռուսաստանի Դաշնություն և հակառակ ուղղությամբ։
«Մենք ուշադիր հետևում ենք իրավիճակի զարգացմանը՝ պետությունների կողմից Ռուսաստանի դեմ նոր պատժամիջոցների կիրառմամբ և սահմանափակումների անշեղորեն աճող ցանկով», – ասվում է ընկերության հայտարարության մեջ։ «Մենք նաև սկսում ենք զգալ իրավիճակի ազդեցությունը գլոբալ առումով»։
Մանրամասները՝ սկզբնաղբյուրում։
