Անցած շաբաթվա ընթացքում Ուկրաինայի նախագահ Վլադիմիր Զելենսկիի նկատմամբ առնվազն երեք անգամ սպանության փորձ է կատարվել, գրում է բրիտանական The Times թերթը: Տեղեկությունը հայտնում է Meduza-ն։
Ըստ հրապարակման՝ Ուկրաինայի նախագահին սպանելու առաջադրանքով երկու խումբ է ուղարկվել՝ Վագների ՊՄԿ վարձկաններ եւ չեչեն հատուկ ջոկատայիններ։
Թերթի տեղեկություններով՝ բոլոր փորձերը խափանվել են ՖՍԲ-ի սպաների գործողությունների պատճառով, որոնք դեմ էին հանդես եկել Ուկրաինայում պատերազմին։
«Վագներիները» կորուստներ են կրել Զելենսկուն սպանելու փորձերի ժամանակ, ասել է խմբավորմանը մոտ կանգնած աղբյուրը: Նա «անհավատալի» է անվանել գործողության մասին նախագահի անվտանգության ծառայության իրազեկվածության մակարդակը:
