Ուկրաինան խնդրում է Կարմիր խաչին անհապաղ նպաստել մարդասիրական միջանցքների ստեղծմանը, ինչպես պայմանավորվել են Ռուսաստանի հետ բանակցությունների ընթացքում:
Այս մասին հայտնում են նախագահի աշխատակազմի մամուլի ծառայությունից:
«Ուկրաինայի կառավարությունը խնդրում է Կարմիր խաչի միջազգային կոմիտեին անհապաղ սկսել անհրաժեշտ գործողությունները մարդասիրական միջանցքների կազմակերպման համար եւ պատրաստ է իր մասով անել անհրաժեշտ ամեն ինչ քաղաքացիական բնակչության տարհանման եւ մարդասիրական ապրանքների առաքման համար»,- ասված է հաղորդագրության մեջ:
Այժմ ուկրաինական մի շարք քաղաքներ եւ գյուղեր գտնվում են մարդասիրական աղետի շեմին։ Այս բնակավայրերում սննդի, ջրի, դեղորայքի պակաս կա, չկա լույս եւ ջրամատակարարում: Հազարավոր մարդիկ էվակուացվելու կարիք ունեն։
«Ուկրաինան ուղարկել է բոլոր անհրաժեշտ խնդրանքները միջազգային կազմակերպություններին՝ ստեղծելու հատուկ միջանցքներ առավել անհրաժեշտ եւ քաղաքացիական բնակչության տարհանման համար: Ցավոք, մինչ այդ ռուսական կողմի պայմանավորվածություն չի եղել: «Ուկրաինայի եւ Ռուսաստանի միջեւ բանակցությունների երկրորդ փուլի արդյունքների մասին պայմանավորվածությունները մեզ զգուշավոր հույս են ներշնչում, որ մենք ի վերջո կկարողանանք օգնել մեր քաղաքացիներին»,- ասել է Եվրասիական ինտեգրման հարցերով փոխնախարար Օլգա Ստեֆանիշինը:
Ուկրաինական կողմը պատրաստ է ապահովել մարդկանց տարհանումը եւ հումանիտար ապրանքների առաքումը: ԱՊՀ-ն երաշխավորում է միջանցքների անվտանգ անցումը: Նույնը սպասվում է նաեւ ռուսական կողմից:
