Քսենյա Սոբչակն ասել է, որ YouTube-յան «Осторожно, Собчак» ալիքը կդադարեցնի ուրբաթ օրվա համարների թողարկումը նորություններով: Նա նման քայլի է գնացել այն բանից հետո, երբ Ռուսաստանի խորհրդարանը ընդունեց «ֆեյքերի» համար քրեական պատժի մասին օրենքը՝ ռուսական ռազմական գործողությունների վերաբերյալ:
«Ցավոք, այսօր մեր աշխատանքը դարձել է մի քանի անգամ ավելի անկանխատեսելի եւ վտանգավոր: Այդպիսի ժամանակներ են,- Instagram-ում հայտնել է Սոբչակը:
Սոբչակի մեկ այլ նախագիծ՝ «Осторожно, новости»-ը անցնում է «պաշտոնական լուրերի եւ տնտեսական փոփոխությունների տեղեկատվական հեռարձակման ռեժիմի»:
«Այսօր Պետական Դուման եւ Ֆեդերացիայի խորհուրդը ընդունեցին կեղծիքների մասին օրենք: Դրա կիրառումը անկանխատեսելի է, բացարձակապես ցանկացած տեղեկատվություն կարող է ընկնել այս հասկացության տակ: Դրա ֆոնին մեր գործընկերների խմբագրական գրասենյակները փակվում են, նրանց կայքերը դադարում են աշխատել, «Ռոսկոմնադզորն» ու ոստիկանությունը գալիս են իրենց մոտ: Ուստի, որոշեցինք փոխել մեր աշխատանքի ձեւաչափը, -հայտարարության մեջ նշել է «Осторожно, новости» նախագիծը:
