«Ռոսկոմնադզորը» պաշտոնապես հայտարարել է Ռուսաստանում Facebook սոցիալական ցանցի արգելափակման մասին: Այս մասին հայտնում է գերատեսչության կայքէջը:
Հասանելիությունը սահմանափակելու պատճառը «ռուսական լրատվամիջոցների նկատմամբ խտրական վերաբերմունքն է»: Ըստ կարգավորողի՝ 2020 թվականի հոկտեմբերից գրանցվել է 26 նման դեպք, վերջին օրերին սոցիալական ցանցը սահմանափակել է «Զվեզդա» հեռուստաալիքը, РИА Новости-ն, Sputnik, Russia Today-ը, Lenta.ru-ն եւ Gazeta.ru-ն։
Մարտի 4-ի գիշերը հայտնի դարձան Facebook-ի հասանելիության հետ կապված խնդիրները: Միեւնույն ժամանակ, հաղորդվել է մեկ այլ սոցիալական ցանցի Twitter, App Store ծառայությունների, Google Play-ի, ինչպես նաեւ Deutsche Welle, BBC, Radio Liberty, Voice of America եւ Meduza կայքերի հասանելիության սահմանափակման մասին: Ռոսկոմնադզորը բացատրել է հրապարակումների արգելափակումը Ուկրաինայում «ռազմական գործողության էության մասին կեղծ տեղեկություններով»:
