Հարավկորեական Samsung ընկերությունը դադարեցնում է չիպերի, սմարթֆոնների եւ տնային սարքավորումների մատակարարումը Ռուսաստան: Այս մասին հայտնել են Bloomberg-ը եւ The Verge-ը:
«Ներկայիս աշխարհաքաղաքական իրադարձությունների պատճառով դեպի Ռուսաստան մատակարարումները դադարեցվում են: Մենք շարունակում ենք ակտիվ հետեւել այս բարդ իրավիճակին՝ մեր հետագա քայլերը որոշելու համար»,- ասված է ընկերության հայտարարության մեջ:
Ռուսաստանում գործունեության դադարեցման, այդ թվում՝ խանութների փակման մասին հայտարարել են նաեւ շքեղ բրենդերը, հաղորդում է Reuters-ը: Դրանցից են՝ Hermes, Chanel, Cartier, Kering (Gucci, Balenciaga, Yves Saint Laurent), Louis Vuitton Moet Hennessy (Christian Dior, Givenchy, Kenzo, TAG Heuer и Bulgari), Richemont (Dunhill, Jaeger-LeCoultre, Montblanc, Piaget и Van Cleef & Arpels)-ը։
Օտարերկրյա ընկերությունները սկսեցին սահմանափակել կամ դադարեցնել աշխատանքը Ռուսաստանում Ուկրաինայի ներխուժումից եւ դրա պատճառով սահմանված տնտեսական պատժամիջոցներից հետո:
