PayPal էլեկտրոնային վճարումների համակարգը դադարեցնում է ծառայությունը Ռուսաստանում՝ Ուկրաինայում պատերազմի ֆոնին: Այս մասին հայտնում է Reuters-ը՝ վկայակոչելով ընկերության նախագահ Դեն Շուլմանի հայտարարությունը:
PayPal աջակցում է միջազգային հանրությանը դատապարտելու «Ուկրաինայում ռուսական ռազմական ագրեսիան», ասել է Շուլմանը: Նրա խոսքով՝ ընկերությունը ժամանակ կտա ռուս օգտատերերին հաշիվներից միջոցները հանելու համար: Ավելի վաղ PayPal-ը դադարեցրել էր Ռուսաստանից նոր օգտատերերի գրանցումը:
Օտարերկրյա ընկերությունները զանգվածաբար դադարեցնում կամ ավարտում են աշխատանքը Ռուսաստանում՝ Ռուսաստանի կողմից Ուկրաինայի ներխուժման եւ դրան հաջորդած արեւմտյան պատժամիջոցների պատճառով:
Մարտի 12-ին Ռուսաստանից 7 բանկ անջատվելու է SWIFT միջբանկային վճարային համակարգից: Ռուսաստանում սահմանափակումների մասին հայտարարվել է նաեւ MasterCard, Visa եւ այլ վճարային համակարգերի եւ ծառայությունների կողմից:
