Ինքնաթիռների արտադրության Boeing Co. դադարեցրել են ռուսական տիտանի գնումները, «Ինտերֆաքս»-ին հայտնել են ՌԴ-ում ընկերության մամուլի ծառայությունում: Ինչպես գրում է The Wall Street Journal-ը, կոնցեռնը փակում է նաև Մոսկվայի և Կիևի տեխնիկական բաժինները:
«Տիտանի պաշարները և այլընտրանքային մատակարարների ցանցը թույլ են տալիս Boeing-ին պահպանել քաղաքացիական ինքնաթիռների անխափան արտադրությունը: Ընկերությունը կշարունակի քայլեր ձեռնարկել բիզնեսի կայունությունն ապահովելու համար երկարաժամկետ հեռանկարում», – գործակալությանը հայտնել է Boeing Co.-ի ներկայացուցիչը:
Ռուսական տիտանի մատակարար VSMPO-Avisma-ն «Ինտերֆաքս»-ին հաստատել է Boeing-ի հետ պայմանագրի կասեցումը։ Ընկերությունը հայտնել է, որ կվերակողմնորոշի իր վաճառքի քաղաքականությունը դեպի այլ շուկաներ և ուղղություններ:
Boeing-ն իր տիտանի մոտ մեկ երրորդը ստանում է Ռուսաստանից, մնացածը՝ ԱՄՆ-ից, Ճապոնիայից, Չինաստանից և Ղազախստանից, գրում է WSJ-ը։ VSMPO-Avisma-ի կողմից արտադրված տիտանի բաղադրիչներն օգտագործվում են Boeing-737, -767, -777, -787 և 777X քաղաքացիական ինքնաթիռների կառուցման ժամանակ:
Ուկրաինայի պատերազմի և դրա հետևանքով Ռուսաստանի դեմ պատժամիջոցների ֆոնին շատ արտասահմանյան ընկերություններ դադարեցնում կամ ավարտում են իրենց գործունեությունը երկրում։
