Apple-ն անջատել է ռուս օգտատերերի՝ ընկերության գարնանային շնորհանդեսը իր պաշտոնական կայքում և YouTube-ում դիտելու հնարավորությունը։ Սա գրավել է Ferra.ru հրատարակության ուշադրությունը:
Շնորհանդեսը տեղի կունենա մարտի 8-ին։ Հայտարարությունը հրապարակվել է apple.com կայքում, սակայն կայքի ռուսերեն տարբերակին անցնելիս այն դառնում է անհասանելի։
Apple YouTube-ի ալիքում ռուս օգտատերերը տեսնում են «Տեսանյութը հասանելի չէ. Տեսանյութի սեփականատերն արգելել է այն դիտել ձեր երկրում»:
Հիշեցնենք, որ Ուկրաինայում պատերազմի բռնկումից հետո Apple-ը դադարեցրեց վաճառքը Ռուսաստանում իր պաշտոնական առցանց խանութում։ Ընկերությունը սահմանափակել է նաև Apple Pay վճարային ծառայության գործունեությունը ռուս օգտատերերի համար։
