«Հերթական խիստ բարոյական, անբասիր, առաքինի «լրատվական ակտի» զոհն է դարձել գործընկերս՝ Արթուր Հովհաննիսյանը։ Թագուհի Թովմասյանի «Ժողովուրդ» օրաթերթը մի ամբողջ հոդված է գրել ու բոլոր մանրամասներով ներկայացրել, թե ինչպես է Արթուր Հովհաննիսյանը պատերազմի օրերին բնակարան գնել հիփոթեքով, ինչ առավելություններ ու արտոնություններ է ստացել ու ինչպես, առհասարակ չի ամաչում դրանից հետո փողոց դուրս գալ։
Իսկ իրականությունն այն է, որ Արթուր Հովհաննիսյանը, ոչ պատերազմի օրերին, ոչ դրանից առաջ կամ հետո բնակարան չի գնել, բնակվում է վարձով, և Թագուհի Թովմասյանի օրաթերթի խիստ պրոֆեսիոնալ, բնավ ոչ կողմնապահ լրագրողները, քաղաքացիներին ճշմարիտ ու բարոյական լրատվություն մատուցելու հերթական պոռթկման ընթացքում, ընդամենը նստել ու մի քիչ ստեղծագործել են։ Ի՞նչ կլինի որ։ Իրենք էլ են մարդ վերջիվերջո։
«Հրապարակի» դաշնակ լրագրողին կարելի է ՔՊ-ին ընտրած 680 000 քաղաքացիներին «680 000 գլուխ անասուն» անվանել ու հետո բարոյականության ու համերաշխության դասեր տալ, իսկ իրենք մի թեթև հիփոթեքային սուտ չեն կարո՞ղ հորինել»,- գրել է ՀՀ ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը։
