2020-07-08
Տրանսպորտային միջոցի սեփականատերը կտուգանվի մեքենան վաճառքի կամ վարձույթի նպատակով մայթեզրին կայանելու համար
ՀՀ Ազգային ժողովն այսօր առաջին ընթերցմամբ ընդունեց «Իմ քայլը» խմբակցության պատգամավորներ Մխիթար Հայրապետյանի, Նիկոլայ Բաղդասարյանի և Նարեկ Զեյնալյանի հեղինակած՝ «Տեղական ինքնակառավարման մասին» օրենքում լրացում կատարելու մասին և Վարչական իրավախախտումների վերաբերյալ Հայաստանի Հանրապետության օրենսգրքում լրացում կատարելու մասին օրենքների նախագծերի փաթեթը:
Բաղդասարյանի խոսքով՝ շատ են դեպքերը, երբ մայթեզրերի վրա կազմակերպվում է տրանսպորտային միջոցների վաճառքը կամ վարձույթը, իսկ որոշ վայրերում մայթեզրերը վերածվել են ավտոմեքենաների վաճառքի «շուկայի»:
Օրինագծով առաջարկում է ստեղծել նման մի վայր, որտեղ անհատները կամ սուբյեկտներն առավել բարենպաստ պայմաններում կկարողանան կազմակերպել իրենց մեքենաների վարձույթը կամ վաճառքը:
Նմանատիպ Նյութեր