Երևանի քաղաքապետ Տիգրան Ավինյանը հայտնել է, որ քաղաքապետարանը Արամի փողոցի մայթը լայնացնելու ծրագիր ունի. «Մեքենաների կայանում ևս թույլատրվելու է մի կողմում»,- ասել է նա՝ հավելելով, որ նախագծով հնարավորություն է տրվելու միայն գրպանիկներում մեքենա կայանել. «Ունենալու ենք նորմալ մայթ, խնդիրը լուծված է լինելու»։

Հայաստանի Հանրապետության նախագահ Վահագն Խաչատուրյանը պաշտոնական այցով ժամանեց Ղազախստանի մայրաքաղաք Աստանա:  «Արմենպրես»-ի թղթակցի հաղորդմամբ՝ ՀՀ նախագահ Վահագն Խաչատուրյանի ինքնաթիռը վայրէջք կատարեց Աստանայի Նուրսուլթան Նազարբաևի անվան միջազգային օդանավակայանում, որտեղ նրան դիմավորեցին Ղազախստանի փոխվարչապետ Սերիկ Ժումանգարինը, ԱԳ նախարարի տեղակալ Էրմուխամբետ Կոնուսպաևը, ինչպես նաև Աստանայի փոխքաղաքապետ Էրիկ Մեյրխանովը և ՀՀ-ում Ղազախստանի դեսպան Բոլատ Իմանբաևը: Ղազախստան կատարած այցի շրջանակներում […]

ՀՀ կառավարության 2024 թվականի սուբվենցիոն ծրագրերի շրջանակներում #Կոտայքի մարզի մի շարք համայնքներում ակտիվ ընթանում են սոցիալական և տնտեսական զարգացման ծրագրեր: Նաիրի համայնքի Պռոշյան, Քասախ, Զովունի, Եղվարդ, Զորավան, Արագյուղ, Սարալանջ, Բուժական բնակավայրերում 2024 թվականի սուբվենցիոն ծրագրերի շրջանակներում ընթանում են ասֆալտապատման աշխատանքները։ Ծրագրի արժեքը շուրջ 1 մլրդ. 500 միլիոն ՀՀ դրամ է, որից 35%-ը պետական բյուջեի, իսկ […]

Երևանը Իջևան, Դիլիջան, Նոյեմբերյան և Բերդ խոշորացված համայնքներին ազդարարման շչակներ կնվիրաբերի. որոշման նախագիծն ընդգրկված է Երևանի ավագանու վաղվա նիստի օրակարգում։ Մայրաքաղաքն այդ համայնքներին կնվիրաբերի 85 շչակ՝ 11.9 մլն դրամ ընդհանուր արժողությամբ։

Հոկտեմբերի 14-ին ՀՀ պաշտպանության նախարար Սուրեն Պապիկյանն ընդունել է ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիին: Հանդիպման ընթացքում քննարկվել են պաշտպանության բնագավառում Հայաստան-Ֆրանսիա   համագործակցության ներկայիս ընթացքին և ապագա ծրագրերին, մասնավորապես՝ ՀՀ զինված ուժերում տեղի ունեցող բարեփոխումներին ու դրանց շրջանակում Ֆրանսիայի հետ համագործակցության ծրագրերին առնչվող հարցեր։

ԱՄՆ նախկին նախագահ Դոնալդ Թրամփը դեմոկրատներին և մյուսներին, ովքեր իր դեմ հետաքննություն են ձեռնարկել, ներսի թշնամի է անվանել։ Fox News-ին տված հարցազրույցում Թրամփն ասել է՝ ինչպես է վարվելու պաշտոնյաների հետ, որոնք կարող են խոչընդոտել իր՝ 2-րդ ժամկետով առաջադրմանը. «Ես միշտ ասել եմ, որ մենք 2 թշնամի ունենք՝ արտաքին և ներքին, որն, ըստ իս, ավելի վտանգավոր […]

Գյումրիի նախկին քաղաքապետ Սամվել Բալասանյանի որդու գործով կա ձերբակալված. այս մասին Radar Armenia-ն տեղեկացավ քննչական կոմիտեից։ Radar Armenia-ի տեղեկություններով՝ ձերբակալվածը Գյումրիի գործող փոխքաղաքապետ Սուրեն Ջանոյանն է։ Նշենք, որ այս գործով ձերբակալվել էր նաև նախկին փոխքաղաքապետ Ռուբեն Սանոյանը, որն ավելի ուշ ազատ է արձակվել։ Հայկ Մագոյան