Արդեն երկու ամիս է, ինչ Ադրբեջանը հանցավոր և ահաբեկչական գործողություններով շրջափակման պայմաններում է պահում Արցախի (Լեռնային Ղարաբաղի) Հանրապետության շուրջ 120,000 ժողովրդին՝ նպատակ ունենալով էթնիկ զտում իրականացնել Արցախում։ Անօրինական այս շրջափակումը հակասում է միջազգային իրավունքի բոլոր նորմերին և Ադրբեջանի կողմից ստանձնած պարտավորություններին, այդ թվում՝ 2020 թվականի նոյեմբերի 9-ի եռակողմ հայտարարության շրջանակներում։  Այս մասին ֆեյսբուքյան էջում գրել […]

Փետրվարի 13-ին Տրնդեզ է կամ Տեառնընդառաջ. տոն, որը հիշատակում է 40-օրական Հիսուսի ընծայումը Տաճարին:  Տեառնընդառաջը (Տրնդեզ, Տանդառեջ, Տնդալեշ, Տառինջ-տառինջ և այլն) Հայ առաքելական եկեղեցու անշարժ տոներից է և նշվում է փետրվարի 13-ին՝ Քրիստոսի Սուրբ Ծննդյան ու Աստվածահայտնության տոնից 40 օր հետո: Ըստ եկեղեցական ավանդության, երբ Հիսուսին բերում են տաճար, դրա արևելյան կողմի դռները, որոնք նախկինում […]

Տարակարգեր՝ նոր կարգով. ուսուցիչներն արդեն կարող են դիմել Կրթության, գիտության, մշակույթի և սպորտի նախարարություն:  Այս մասին տեղեկացնում է ՀՀ կառավարությունը։ Աստիճանակարգության սկզբունքն այլևս չի գործում: Բավարար հմտություններ ունեցող մասնագետները կարող են դիմել միանգամից երկրորդ, երրորդ կարգի համար ու հավելավճար ստանալ:

«Սլովանի» գլխավոր մարզիչ Վլադիմիր Վայսը խոսել է թիմի հայ կիսապաշտպան Տիգրան Բարսեղյանի մասին։ Հայաստանի ազգային հավաքականի ֆուտբոլիստը վնասվածք էր ստացել 2022 թվականի հոկտեմբերի վերջին։ «Գարնանային հատվածում մենք արդեն կարող ենք հույս դնել մեր ամենակարևոր խաղացողներից մեկի վրա։ Նա վերադառնում է։ Տիգրան Բարսեղյանը կվերադառնա ծանր վնասվածքից հետո։ Այս պահին նա պատրաստ չէ, բայց կարծում եմ, որ […]

Թուրքիայում տեղի ունեցած երկրաշարժի զոհերի թիվն այս պահի դրությամբ հասել է 29605-ի։ Այդ մասին հայտնել է այդ երկրի Արտակարգ իրավիճակների վարչությունը։ Նշվում է, որ ևս 147 934 մարդ աղետի գոտու շրջաններից տարհանվել է այլ նահանգներ։ Հիշեցնենք, որ Հայաստանը Թուրքիա է ուղարկել փրկարարների, ինչպես նաև մարդասիրական օգնություն։

Ծաղկաձոր քաղաքում երեկ մեկնարկել է ՀՀ ձյան վոլեյբոլի տղամարդկանց և կանանց 2023 թվականի առաջնությունը։ Առաջնությանը մասնակցում են ութական թիմեր: Երեկ թիմերը մրցել են 1-3 փուլերում, իսկ այսօր արդեն կկայանան առաջնության կիսաեզրափակիչ և եզրափակիչ հանդիպումները:

Ֆրանսիայում Հայաստանի պատվավոր հյուպատոս, Դեսինի փոխքաղաքապետ, Հայաստանի ֆուտբոլի ֆեդերացիայի նախագահի խորհրդական Դենիս Ջորկաեֆը «Թվիթեր»-ի իր միկրոբլոգում վերահրապարակել է ֆրանսիացի պատգամավոր Ֆրանսուա-Խավիե Բելամիի լուսանկարն ու գրել. «Շնորհակալություն, Բելամի՛, Լաչինի միջանցքի մուտքի մոտ գալու և տեսնելու համար, որ Արցախը Հայաստանին կապող միակ ճանապարհն Ադրբեջանն է փակում՝ այդպիսով 120.000 հայերին զրկելով ամեն ինչից։ Շնորհակալություն, Ֆրանսուա-Խավիե, անսասան աջակցության համար»: