Արարատի մարզպետարանը տեղեկացնում է, որ հոկտեմբերի 21-ին՝ ժամը 11:00-12:00, Արարատի մարզի Արմաշ համայնքում մարզի փրկարարական վարչության կողմից անցկացվելու է ուսումնավարժանք, որի ժամանակ գործարկվելու է նաև համայնքում առկա էլեկտրաշչակը: Մարզպետարանը բնակչությանը խնդրում է չանհանգստանալ և խուճապի չմատնվել:

Հիդրոօդերևութաբանության և մոնիթորինգի կենտրոնից հայտնում են՝ հոկտեմբերի 21-ի լույս 22-ի գիշերը և 22-ի լույս 23-ի գիշերը Արարատյան դաշտում՝ հատկապես Արմավիրում, օդում կանխատեսվում է մինչև -1, հողի մակերևույթին՝ -3-ից -4 աստիճան ցուրտ։

Խոշտանգումների կանխարգելման ոլորտում Եվրոպայում առաջատարներից համարվող Հայաստանի մարդու իրավունքների պաշտպանի փորձը ուսումնասիրելու նպատակով Հայաստան է ժամանել Ուկրաինայի Գերագույն ռադայի մարդու իրավունքների հանձնակատար Լյուդմիլա Դենիսովայի գլխավորած պատվիրակությունը: Այս մասին հայտնում է Մարդու իրավունքների պաշտպանը։ Նախատեսվում է փորձի փոխանակում, այցեր փակ հաստատություններ և այլն:

Հայաստանը ձեռք է բերել COVID-19-ի դեմ չինական «Սինոֆարմ» պատվաստանյութի հերթական խմբաքանակը` 200 հազար դեղաչափ։  Պատվաստանյութի ներկրված խմբաքանակն առաջիկայում հասանելի կլինի առողջության առաջնային պահպանման օղակում և շարժական պատվաստումային կետերում: Նշենք, որ «Սինոֆարմ» պատվաստանյութն ունի Առողջապահության համաշխարհային կազմակերպության (ԱՀԿ) կողմից արտակարգ իրավիճակներում կիրառման թույլտվություն: Պատվաստանյութի արդյունավետության և անվտանգության տվյալները համապատասխանում են ԱՀԿ-ի կողմից սահմանված չափանիշներին: Ինչպես Հայաստանում […]

Գեղարքունիքի մարզի Ճամբարակ խոշորացված համայնքում այս տարի ՀՀ կառավարության կողմից հաստատված սուբվենցիոն 11 ծրագրերից հոկտեմբերի 7-ի դրությամբ ավարտված են երկուսը։ Ինչպես տեղեկացնում են Գեղարքունիքի մարզպետարանի քաղաքաշինության վարչությունից, սուբվենցիոն առաջին ծրագրով ասֆալտապատվել է Բաղրամյան, Բաբաջանյան և Գարեգին Նժդեհ փողոցների որոշակի հատվածներ ու մայթեր։ Ծրագրի պայմանագրային արժեքը կազմել է 102 միլիոն 29 հազար դրամ, որի 60 տոկոսը […]

Հոկտեմբերի 5-ին N զորամիավորման կապի ստորաբաժանումները բերվել են մարտական պատրաստության «բարձր» աստիճանի։ Այս մասին հայտում են Պաշտպանության նախարարությունից։ Ստանալով «տագնապ» ազդանշանը՝ զինծառայողները սահմանված կարգով և հանդերձանքով ներկայացել են ծառայության վայր, ստացել համապատասխան հրահանգներն ու զբաղեցրել նախորոշված շրջանները։ Ուսումնական պարապմունքի ընթացքում ստուգվել են զինծառայողների մարտական պատրաստականությունը, պարտականությունների իմացությունն ու դրանք ըստ անհրաժեշտության կիրառելու կարողությունը։

Սեպտեմբերի 24-28-ը Հայաստանի Հանրապետությունում անցկացվեց ՀԱՊԿ կոլեկտիվ անվտանգության համակարգի ուժերի և միջոցների կառավարման ու ձևավորման մարմինների օպերատիվ ու մարտական պատրաստության համատեղ միջոցառումների պլանով նախատեսված «ԳՌՈՄ-2021» համատեղ հատուկ հակաթմրանյութային գործողությունը։ Գործողության ակտիվ փուլը սեպտեմբերի 28-ին էր՝ ՀՀ պաշտպանության նախարարության «Մարշալ Բաղրամյան» զորավարժարանում։ Զորավարժությունն անցկացվում էր ՀԱՊԿ Միացյալ շտաբի և Քարտուղարության մասնակցությամբ ու փոխգործակցությամբ։ Վարժանքներին, որոնց նպատակը […]