ՀՀ ազգային անվտանգության ծառայության Գեղարքունիքի մարզային վարչության կողմից ձեռնարկված օպերատիվ-հետախուզական միջոցառումների արդյունքում ձեռք են բերվել առերևույթ փաստական տվյալներ այն մասին, որ 2016-2017 թվականներին «Համայնքների գյուղատնտեսական ռեսուրսների կառավարման և մրցունակության» ծրագրի շրջանակներում, ՀՀ Գեղարքունիքի մարզի Երանոս, Վարդաձոր և Ձորագյուղ համայնքների վարչական տարածքում գտնվող ընդհանուր 1500հա արոտավայրից օգտվող անասուններին խմելու ջրով ապահովելու համար նախատեսված 6.300 մետր երկարությամբ […]

Հայաստանում անցած մեկ օրում կորոնավիրուսի դեպքերի թիվն աճել է 461-ով՝ հասնելով 34 հազար 462-ի, գրանցվել է հիվանդությունից մահվան ևս 11 դեպք, հաղորդում է Առողջապահության նախարարության Հիվանդությունների վերահսկման և կանխարգելման ազգային կենտրոնը: Այսօր կենտրոնի կայքում հրապարակված տվյալների համաձայն՝ հիվանդությունից բուժվածների թիվն ավելացել է 631-ով և հասել 23 հազար 123-ի: Ըստ նույն աղբյուրի՝ իրականացվել է 1969 թեստավորում, […]

  Կորոնովիրուսից մահացել է Ավշարի բժշկական ամբուլատորիայի տնօրեն Արուս Գևորգյանը: Այս մասին տեղեկացնում են Արարատի ԲԿ-ից: Գևորգյանը բուժամբուլատորիան ղեկավարում էր 2020 թվականի մարտից: Դրանից առաջ բժշկուհին երկար տարիներ աշխատել է «Արարատի հիվանդանոց» ԲԿ-ում որպես թերապևտ՝ անձնվիրաբար պայքարելով մարդկանց կյանքերը փրկելու համար։ Հայտնում ենք մեր վշտակցությունը Արուս Գևորգյանի ընտանիքի անդամներին և հարազատներին։

  Հուլիսի 18-ին՝ ժամը 06:38-ի սահմանում  պաշտպանության բանակի հակաօդային պաշտպանության ստորաբաժանումները հյուսիս-արևելյան ուղղությամբ խոցել են հետախուզական թռիչք իրականացնող հակառակորդի <<ORBITER-3>> տիպի անօթաչու թռչող սարք: ՊԲ-ի առաջապահ ստորաբաժանումները շարունակում են լիակատար վերահսկողության տակ պահել իրադրությունն առաջնագծում և վստահորեն իրականացնել հանրապետության օդային և ցամաքային սահմանների պաշտպանություն:

  Ռուսաստանաբնակ հայտնի գործարար, բարերար «Տաշիր Գրուպ»-ի սեփականատեր Սամվել Կարապետյանի դուստրը` Տաթևիկ Կարապետյանը, ում ֆրանսիական  Institut Choiseul (Ինստիտուտ Շուազել) վերլուծական կենտրոնը ներառել է Ռուսաստանի 100 երիտասարդ առաջնորդների ցուցակում, ինստագրամյան իր էջում անդրադարձել է Ադրբեջանի՝ Հայաստանի հանդեպ ագրեսիային և սահմանային իրադարձություններին: Նա մասնավորապես գրել է. -Ի՞նչ է իրական հայրենասիրությունը: Սերը այն երկրի հանդեպ, որտեղ ծնվե՞լ ես, […]

Ֆրանկոֆոնիայի գլխավոր քարտուղար Լուիզ Մուշիկիվաբոն «Թվիթեր»-ի իր միկրոբլոգում անդրադարձել է հայ-ադրբեջանական սահմանին տիրող իրավիճակին ու մտահոգություն հայտնել: Մուշիկիվաբոն մասնավորապես գրել է. «Խորապես մտահոգված եմ Հայաստանի և Ադրբեջանի սահմանին տեղի ունեցող մահացու բախումներով։ Հայաստանն ինձ համար թանկ երկիր է, որը նախագահում է Ֆրանկոֆոնիայի գագաթնաժողովը: Կցանկանայի լարվածության թուլացում և վերադարձ հրադադարի պահպանմանը»:

Հայ-ադրբեջանական պետական սահմանին գիշերվանից մինչ այս պահը հարաբերական անդորր է պահպանվել: Այս մասին Ֆեյսբուքի իր էջում գրել է ՀՀ ՊՆ խոսնակ Շուշան Ստեփանյանը: «Ադրբեջանի ԶՈՒ-ն հրաձգային զենքերից ոչ նպատակային կրակ է վարել Մովսես, Զանգակատուն, Խնձորուտ գյուղերի շրջանում տեղակայված մեր դիրքերի ուղղությամբ»,-ասված է գրառման մեջ։