Այս պահին շատերի մոտից, բացարձակ առանց իրենց կողմից ինչ-որ բան անելու, գողացել են WhatsApp հաշիվները։ Այս մասին գրում է մեդիափորձագետ Սամվել Մարտիրոսյանը։ «Բացի դրանից, շատերը չեն կարողանում մտնել Facebook, քանի որ երկփուլայինի SMS-ը չի գալիս։ Բոլոր նման խնդիրները խնդրում եմ ինձ ուղարկեն իրենց համարը, WhatsApp-ի խնդրի դեպքում, և Ֆեյսբուքի պրոֆիլի հղումը՝ որևէ մի ընկերոջ միջոցով։ […]

ՀՀ հակակոռուպցիոն կոմիտեում քննված քրեական վարույթով հիմնավորվել է, որ Կ. Չ.-ն, զբաղեցնելով Տավուշի մարզի համայնքներից մեկի վարչական ղեկավարի պաշտոնը և հանդիսանալով պաշտոնատար անձ, կատարել է պաշտոնեական կեղծիք: «Մասնավորապես՝ նախաքննությամբ պարզվել է, որ Կ. Չ.-ն 2024 թվականի փետրվարին համայնքապետարան է ներկայացրել իր ստորագրությամբ վավերացված՝ Տավուշի մարզի բնակավայրերից մեկի 20-51 տարեկան բնակիչներ հանդիսացող ՀՀ զինապարտ քաղաքացիների անվանացուցակ, […]

ԼՂ-ից բռնի տեղահանված 4918 չափահաս անձ դիմել է քաղաքացիություն ստանալու համար, դիմումը ետ է վերցրել 83-ը. այս մասին Radar Armenia-ն տեղեկացավ ՆԳՆ միգրացիայի և քաղաքացիության ծառայությունից։ Ըստ ՆԳՆ-ի՝ նախագահի հրամանագրով ՀՀ քաղաքացիություն է ստացել 3226 չափահաս անձ։ Հիշեցնենք, որ ԼՂ-ից բռնի տեղահանվել է 115․359 անձ, այդ թվում՝ 30․306 անչափահաս։

Հանրապետության տարածքում սեպտեմբերի 27-ի ցերեկը, 28-ին և հոկտեմբերի 1-ին ժամանակ առ ժամանակ առանձին շրջաններում, 2-ին շրջանների զգալի մասում սպասվում է անձրև, հնարավոր է նաև մառախուղ։ Սեպտեմբերի 29-30-ը սպասվում է առանց տեղումների եղանակ։ Քամին՝ հյուսիսարևելյան՝ 3-5 մ/վ, հոկտեմբերի 1-2-ն առանձին վայրերում սպասվում է քամու ուժգնացում՝ 18-23 մ/վ արագությամբ։ Օդի ջերմաստիճանը սեպտեմբերի 29-30-ն աստիճանաբար կնվազի 2-4 աստիճանով։ […]

ՆԳՆ ոստիկանությունից հայտնում են, որ համացանցում տեղեկություններ են տարածվում՝ իբր Մալաթիա-Սեբաստիա վարչական շրջանում ինչ-որ մեկը դպրոցների մոտ երեխաներին նստեցնում է ավտոմեքենան և առևանգում։ Հրապարակումներում նաև նշվում է, թե բազմաթիվ ծնողներ այս հարցով ահազանգել են ոստիկանություն։ Տեղեկացնում ենք, որ նշված բովանդակությամբ ահազանգ կամ հաղորդում ՆԳՆ ոստիկանության օպերատիվ կառավարման կենտրոնում կամ Մալաթիայի բաժնում չի ստացվել։ Ոստիկանության Մալաթիայի […]

Ճապոնիայի իշխող Լիբերալ-դեմոկրատական կուսակցության ղեկավար 67-ամյա Սիգերու Իսիբան հոկտեմբերի 1-ից կստանձնի երկրի վարչապետի պաշտոնը։ Քվեարկության 2-րդ փուլում նա հավաքել է կուսակիցների 415 ձայներից 215-ը, իսկ նրա մրցակից Սանաե Տակաիտին՝ 194 ձայն։

ՀՀ Ազգային ժողովի նախագահի տեղակալ Ռուբեն Ռուբինյանը սեպտեմբերի 26-ին ընդունել է Հայաստանում Շվեդիայի Թագավորության արտակարգ և լիազոր դեսպան Պատրիկ Սվենսոնին: Այդ մասին հայտնում են ԱԺ-ից: Քննարկվել են ՀՀ-Շվեդիա համագործակցությանը, տարածաշրջանային անվտանգությանը վերաբերող հարցեր: Անդրադարձ է կատարվել Հայաստան-Թուրքիա հարաբերությունների կարգավորման գործընթացին: Կողմերը խոսել են ՀՀ-ԵՄ ընդլայնվող համագործակցության մասին: