Սուր շնչառական հիվանդությունների պատճառը վիրուսներն են, որոնց վրա հակաբակտերային դեղերը չեն ազդում: Այդ մասին հայտարարություն է տարածել առողջապահության նախարարությունը: Ըստ այդմ՝ հակաբակտերային դեղերի չհիմնավորված, ոչ ռացիոնալ և ոչ նպատակային, սխալ դեղաչափերով կիրառումը, ինքնաբուժումը, բուժման ռեժիմի խախտումը կամ ընդհատումը նպաստում են դրանց նկատմամբ կայուն մանրէների առաջացմանը: Արդյունքում մանրէները այնքան են փոխվում, որ հակաբակտերային դեղերն այլևս որևէ […]

ՀՀ ճանապարհային դեպարտամենտից հայտնում են, որ հունվարի 24-ին՝ ժամը 09։00-ի դրությամբ, Թալինի, Արթիկի, Ախուրյանի, Աշոցքի, Աշտարակի, Ապարանի, Արագածի, Սպիտակի, Վանաձորի, Ստեփանավանի, Աբովյանի, Սևանի, Գավառի, Դիլիջանի, Ճամբարակի, Տավուշի, Մարտունիի, Վարդենիսի, Գորիսի, Կապանի, Մեղրիի, Նաիրիի, Նոյեմբերյանի, Բաղրամյանի տարածաշրջաններում ձյուն է տեղում։ Ջերմուկի ավտոճանապարհը սաստիկ բքի պատճառով փակ է բոլոր տրանսպորտային միջոցների համար։Աշոցքի տարածաշրջանի ավտոճանապարհները դժվարանցանելի են բոլոր […]

Վարչապետ Նիկոլ Փաշինյանի գլխավորությամբ այսօր տեղի է ունեցել խորհրդակցություն, որի ընթացքում ներկայացվել է Հանրային ծառայությունները կարգավորող հանձնաժողովի հաշվետվությունը:  «Արմենպրես»-ին տեղեկացրել են ՀՀ վարչապետի աշխատակազմից, որ մինչ հաշվետվության ներկայացումը վարչապետը նշել է. «Այս տարի լրանում են Հանրային ծառայությունները կարգավորող հանձնաժողովի և Մրցակցության պաշտպանության հանձնաժողովի նախագահների պաշտոնավարման ժամկետները: Նրանք այդ պաշտոններում ընտրվել են 2019 թվականի ապրիլին: Գիտեք, […]

Գեղարքունիքի մարզում 2018-2023 թվականներին իրականացվել են 76 միլիարդ 980 միլիոն 715 հազար դրամի (շուրջ 189 միլիոն դոլար) աշխատանքներ։ «Արմենպրես»-ի փոխանցմամբ՝ այս տեղեկությունը հայտնել է ՀՀ կառավարությունը։ 2018-2023 թվականների ընթացքում Գեղարքունիքի մարզում կառուցվել, հիմնանորոգվել, նորոգվել է 452․8 կիլոմետր ճանապարհ, 369 կիլոմետր լուսավորություն, 25 կիլոմետր գազիֆիկացում, 554 կիլոմետր ջրագիծ, 29 մանկապարտեզ, 7 դպրոց։

2 միլիոն 300 հազար զբոսաշրջիկ՝ 2023-ին. ոլորտում մոտ 40 տոկոս աճ է արձանագրվել: Վիճակագրության համաձայն՝ Հայաստանը որպես նախընտրելի ուղղություն դիտարկում են ռուսները, վրացիները, իրանցիները: Եվրոպական երկրներից ավելի շատ գալիս են Ֆրանսիայից, Գերմանիայից: Այժմ արդեն Հայաստանը գրավիչ է դառնում նաև ձմեռային տուրիզմով. դեկտեմբերին ավելի քան 33 հազար զբոսաշրջիկ է այցելել մեր երկիր, հայտնում են ՀՀ կառավարությունից։

Առաջիկայում նախատեսվում են շտապօգնության ծառայություն մատուցել նաև մոպեդներով: Այս մասին Երևանի քաղաքապետարանի գործակարգավարական նիստի ընթացքում ասաց առողջապահության վարչության պետի պաշտոնակատար Դավիթ Կարապետյանը: «Առաջիկայում նախատեսում ենք ծառայություն մատուցել նաև մոպեդներով: Իհարկե, այստեղ աշխատանք ունենք անելու և համապատասխան մասնագետներ գտնելու, որոնք կունենան համապատասխան կրթություն և կարողանան վարել մոպեդ: Նրանք ծառայություն կմատուցեն ոչ թե հիվանդանոցային պայմաններում բուժման իրականացում […]

Սևանա լճում սիգի որսի արգելքը ոչ թե երկարաձգվել է, այլ՝ կթույլատրվի միայն կառավարության համապատասխան որոշումից հետո, ինչպես եղել է նախորդ բոլոր տարիներին։ Այս մասին նշել է ՀՀ շրջակա միջավայրի նախարարության մամուլի խոսնակ Անի Հակոբյանը՝ հավելելով, որ մինչև արդյունագործական որսի չափաքանակների և ժամանակահատվածի հաստատումը նոյեմբերի 15-ից Սևանա լճում սիգի որսն արգելված է։ «2023 թվականի նոյեմբերի 25-ից […]