Երևանի ընդհանուր իրավասության քրեական դատարանը ևս երեք ամսով երկարաձգեց Նարեկ Մալյանի կալանքի ժամկետը։ Դատավոր Սուսաննա Գզոգյանը՝ բավարարելով մեղադրող դատախազի միջնորդությունը։ Հաջորդ դատական նիստը տեղի կունենա նոյեմբերի 24-ին` ժամը 15։00-ին Հիշեցնենք, նա կալանավորվել է ատելություն, խտրականություն, անհանդուրժողականություն կամ թշնամանք հրահրելու կամ քարոզելու համար։

«Երկրի բյուջեն, թվերից ու տոկոսներից անդին, նախ և առաջ մարդու համար է, թե ինչպես կիրագործվի նրա ծնվելու, առողջ մեծանալու, կրթվելու, արարելու, երջանիկ ապրելու իրավունքը, և ինչ արդյունք կստեղծի նա իր կյանքով». 2024թ. պետբյուջեի նախագծի քննարկումների ժամանակ նկատել է առողջապահության նախարար Անահիտ Ավանեսյանը։  Նա հիշեցրել է, որ 2018թ. հեղափոխությունից հետո ամեն հաջորդ տարվա բյուջեն ցույց է […]

Երևանի քաղաքապետի մամուլի քարտուղար Հայկ Կոստանյանը «ֆեյսբուքի» իր էջով տեղեկացրել է, որ փոխքաղաքապետ Սուրեն Գրիգորյանը առաջիկա ասուլիսում կներկայացնի մայրաքաղաքում ամանորյա աշխատանքները։ «Հարգելի գործընկերներ, նոյեմբերի 16-ին, ժամը՝ 10:30-ին, Երևանի քաղաքապետարանում տեղի կունենա քաղաքապետի տեղակալ Սուրեն Գրիգորյանի մամուլի ասուլիսը: Կներկայացվեն մայրաքաղաքում մեկնարկած ամանորյա տոնական ձևավորման ու գեղարվեստական լուսավորման աշխատանքները»,- ասվում է գրառման մեջ։ 

Նոյեմբերի 13-ին համատեղության կարգով Անդորրայի Իշխանապետությունում ՀՀ դեսպան Սոս Ավետիսյանը (նստավայրը՝ Մադրիդ) Ելիսեյան պալատում տեղի ունեցած հանդիսավոր արարողության ժամանակ իր հավատարմագրերն Է հանձնել Անդորրայի համիշխան, Ֆրանսիայի Հանրապետության նախագահ Էմանուել Մակրոնին։ Այս մասին տեղեկացնում է Իսպանիայում ՀՀ դեսպանությունը։ 

Հոկտեմբերի 7-ից ի վեր Գազայի հատվածում առնվազն 11,5 հազար մարդ է զոհվել, ավելի քան 29 հազարը վիրավոր է։ Այս մասին հայտնում է Al Jazeera հեռուստաալիքը՝ հղում անելով Պաղեստինի կառավարությանը։ Նոյեմբերի 12-ին Պաղեստինի առողջապահության նախարարությունը հայտնել է, որ իսրայելական ռմբակոծությունների զոհերի թիվը կազմում է 11․180, այդ թվում՝ 4․609 երեխա։

Ֆրանսիայի պաշտպանության նախարար Սեբաստիան Լեկորնյուն Ֆրանսիայի նախագահ Էմանուել Մակրոնի խնդրանքով երեքշաբթի կայցելի Մերձավոր Արևելք՝ քննարկելու Գազայի իրավիճակը և տարածաշրջանային անվտանգության խնդիրները։ «Այս ուղևորությունը կսկսվի Եգիպտոսից և կշարունակվի Պարսից ծոցի տարածաշրջանում: Այն կավարտվի ուրբաթ օրը՝ Իսրայելում։ 2000թ․–ից ի վեր առաջին անգամն է, որ Ֆրանսիայի պաշտպանության նախարարը այցելում է այս երկիր»,- գրել է նա իր X-ում:

ՀՀ առողջապահության փոխնախարար Արտակ Ջումայանը հայտարարել է, թե ռազմական գործողությունների և պայթյունի հետևանքով ԼՂ-ից ՀՀ տեղափոխվածներից 92 քաղաքացի բուժում է ստանում տարբեր բուժհաստատություններում, որից 11-ի վիճակը շարունակում է մնալ ծանր, 3-ինը՝ ծայրահեղ ծանր: Նրա խոսքով, 19 պացիենտ շարունակում է բուժում ստանալ արտասահմանում, նրանց մոտ նկատվում է առողջական վիճակի դրական դինամիկա:  Վերջին շաբաթների ընթացքում 150-ից ավելի […]