Բաքվում դատարանը Լևոն Մնացականյանի խափանման միջոց է ընտրել կալանավորումը: Նա տեղափոխվել է մեկուսարան: ԼՂ ՊԲ նախկին հրամանատարին մեղադրանք է առաջադրվել Ադրբեջանի քրեական օրենսգրքի 113-րդ հոդվածով (խոշտանգում):

Արմավիրի մարզում հաշվառվել և կեցավայրերով ապահովվել է Լեռնային Ղարաբաղից բռնի տեղահանված 863 ընտանիք՝ 3549 անձ: Այս մասին «Հումանիտար կենտրոն»-ում կազմակերպված ասուլիսում հայտնեց Արմավիրի մարզպետ Էդվարդ Հովհաննիսյանը: «Մարզում գրեթե չկան հյուրանոցներ, հյուրատներ, որտեղ հնարավոր է մեծ թվով քաղաքացիների կեցությունն ապահովել: Նրանց տեղավորել ենք  հիմնականում գյուղերի, քաղաքների ազատ տներում:»,- ասաց մարզպետը:

ՄԱԿ-ի փախստականների հարցերով գործակալության (UNHCR) ղեկավար Ֆիլիպո Գրանդին X-ում գրել է. «Ղարաբաղից Հայաստան է ժամանել ավելի քան 100 հազար փախստական: Շատերը սոված են, ուժասպառ և անհապաղ օգնության կարիք ունեն։  ՄԱԿ-ի փախստականների հարցերով գործակալությունը (UNHCR) և մյուս հումանիտար գործընկերները մեծացնում են իրենց աջակցությունը Հայաստանի իշխանություններին, սակայն միջազգային օգնությունը շատ շտապ է անհրաժեշտ: 

Թուրքական Baykar ընկերությունը մոտ 100 միլիոն դոլար կներդնի Ուկրաինայում անօդաչու թռչող սարքերի գործարանի կառուցման համար, հայտարարել է ընկերության գլխավոր տնօրեն Հալուք Բայրաքթարը։ «Մենք նախատեսում ենք ներդնել մոտ 100 միլիոն դոլար, և գործընթացն արդեն սկսվել է։ Շինարարությունն արդեն սկսվել է։ Այն ավարտելու համար կպահանջվի մոտ 1,5 տարի»,- Բայրաքթարի խոսքերն է մեջբերում ուկրաինական «Ուկրինֆորմ» գործակալությունը։

Ըստ Ադրբեջանի գլխավոր դատախազության՝ Դավիթ Բաբայանը 4 ամսով կալանավորվել է: Նա բերման է ենթարկվել սեպտեմբերի 29-ին:

Արցախի նախկին պետնախարար Արտակ Բեգլարյանը գրել է. «Արցախը գրեթե ամբողջությամբ դատարկ է․ մնացել է մի քանի 100 մարդ, որոնք ևս հեռանում են։ Պատրաստվո՞ւմ են, արդյոք միջազգային դիտորդները ստուգելու, թե Ալիևի ցեղասպան ռեժիմը ինչպես է պաշտպանում կենդանիների իրավունքներն ու անվտանգությունը։ Միջազգային ամուր երաշխիքների առկայության դեպքում մարդիկ կվերադառնան իրենց տներ»։ Տեսանյութը կարող եք դիտել այստեղ:

«Ադրբեջանի տարածքային ամբողջականության վերականգնումը և Հայաստանի կողմնորոշումը դեպի արևմուտք խաթարել են Հարավային Կովկասում Ռուսաստանի հիմնական պարադիգմը»,- «Эхо Кавказа»-ի փոխանցմամբ նման տեսակետ է հայտնել Վրաստանի նախկին նախագահ Միխայիլ Սաակաշվիլին: «Ռուսաստանն այլևս չունի Կովկասի երեք երկրներից և ոչ մեկի աջակցությունը, ուստի, ինչ էլ ասեն ընդդիմության խոսող գլուխները, ես արդեն այստեղ եմ և պատրաստվում եմ ակտիվորեն զբաղվել բոլոր […]