Հունիսը տեղումնառատ կլինի, սակայն` ո՛չ մայիսի նման, տեղեկացրել է Գագիկ Սուրենյանը: Հունիսի 7-ից սկսած Սև ծովի շրջաններից մոտենում է հերթական ցիկլոնը, որը բավականին ակտիվ է լինելու։ Տաք օդային ալիքը նահանջելու է, ջերմաստիճանը կնվազի 8-10 աստիճանով։ Հիդրոօդերևութաբանության և մոնիտորինգի կենտրոնը հունիսին անոմալ շոգ չի կանխատեսում:

Ֆինլանդիայի նախագահ Ալեքսանդր Ստուբն անդրադարձել է վարչապետ Նիկոլ Փաշինյանի հետ հեռախոսազրույցին։ «Լավ զրույց ունեցա ՀՀ վարչապետ Նիկոլ Փաշինյանի հետ։ Ի թիվս այլ հարցերի՝ քննարկեցինք Հարավային Կովկասում տարածաշրջանային դինամիկան, ԵԱՀԿ-ում Ֆինլանդիայի առաջիկա նախագահությունը և մեր երկրների երկկողմ հարաբերությունները: Մտքեր փոխանակեցինք նաև Շվեյցարիայում կայանալիք Ուկրաինայում խաղաղության գագաթնաժողովի վերաբերյալ»,- գրել է Ստուբը X-ի իր էջում։

Ազգային ժողովի նախագահի տեղակալ Ռուբեն Ռուբինյանը հունիսի 4-ին ընդունել է Եվրոպական միության Արտաքին գործողությունների եվրոպական ծառայության Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ հարցերով կառավարող տնօրեն Միխայել Զիբերթին: Քննարկվել են Հայաստան-Եվրամիություն ընդլայնվող գործընկերությանը, տարածաշրջանային անվտանգությանը վերաբերող հարցեր: Մտքեր են փոխանակվել Հայաստան-Թուրքիա հարաբերությունների կարգավորման գործընթացի վերաբերյալ:

Ըստ ՀՀ էկոնոմիկայի նախարար Գևորգ Պապոյանի պնդման` սահմանին գազի սակագնի փոփոխության հարց չի քննարկվում։ «Փոխվարչապետ Մհեր Գրիգորյանի և ռուսաստանյան գործընկերների հետ բավական լավ աշխատանքային հարաբերություններ կան, և քննարկումների արդյունքում ունենք ֆիքսված գնի պայմանավորվածություն։ Այլ պայմանավորվածություն այս պահին չի քննարկվում»,- ասել է Պապոյանը։

Հունիսի 5-ից Երևան քաղաքի Իսահակյան և Թամանյան փողոցների խաչմերուկում կկատարվի երթևեկության կազմակերպման փոփոխություն:  Մասնավորապես՝ նշված խաչմերուկում տեղադրված 3.1՝ «Մուտքն արգելվում է», 3.18.1՝ «Աջ շրջադարձն արգելվում է», 3.18.2՝ «Ձախ շրջադարձն արգելվում է», 3.27՝ «Կանգառն արգելվում է» ճանապարհային նշանները և 8.5.4՝ «Գործողության ժամանակ (11.00−24.00)», 8.23՝ «Աշխատում է տարհանիչը» ցուցանակները, որոնք ձմռան ամիսներին ժամանակավորապես փակված էին ծածկոցներով, հունիսի […]

Բագրատ արքեպիսկոպոս Գալստանյանի գլխավորած շարժումը վաղը կմեկնի Վարդենիս, ապա Սոթքում հանրահավաք կանցկացնի։ «Ուզում ենք հանրահավաքը հենց Սոթքում լինի, որովհետև սահմանի ակնառու վայրն այդտեղ է»,- ասել է Գալստանյանը։

ԱԺ ՔՊ խմբակցության պատգամավոր Արսեն Թորոսյանը բարձրաձայնել է ձերբակալությունների և կալանավորումների հարցը։ «2023 թվականին տեղի է ունեցել 8625 ձերբակալություն, 2022-ին՝ 2693 ձերբակալություն, 2021 թվականին և դրանից առաջ՝ մոտավորապես հազար։ Լավ, սրա պատճառը ո՞րն է, ինչ-որ օրենք են փոխել, որ բոլորին պետք է պարտադիր ձերբակալել, նոր կալանավորել, նո՞ր ստորագրություն տաք։ Եթե նման բան կա, պետք է […]