ՆԱՏՕ-ն դատապարտում է Ռուսաստանում տեղի ունեցած ահաբեկչությունը և ցավակցություն է հայտնում զոհերի ընտանիքներին և տուժածներին, հայտարարել է դաշինքի մամուլի ծառայության ղեկավարը «X» սոցիալական ցանցում։ «Մենք, անշուշտ, դատապարտում ենք Մոսկվայում համերգի հանդիսատեսի վրա հարձակումը: Ոչինչ չի կարող արդարացնել նման նողկալի հանցագործությունները: Մեր խորին ցավակցությունը զոհերին և նրանց ընտանիքներին», – գրել է մամուլի ծառայության ներկայացուցիչը:

Ուրուգվայ պաշտոնական այցի շրջանակներում ՀՀ ԱԳ նախարար Արարատ Միրզոյանը հարցազրույցներ է տվել տեղի առաջատար լրատվամիջոցների ներկայացուցիչներին: Այդ մասին ասում ԱԳՆ մամուլի խոսնակ Անի Բադալյանը։ «Անդրադարձ է կատարվել Հայաստանի և Ուրուգվայի միջև հարաբերություններին, դրանց պատմական կապերին, երկկողմ օրակարգն էլ ավելի հարստացնելուն ուղղված երկուստեք ջանքերին, Մոնտեվիդեոյում ՀՀ, իսկ ավելի վաղ Երևանում Ուրուգվայի ռեզիդենտ դեսպանության բացման միջոցով երկու […]

Գերմանիայի կանցլեր Օլաֆ Շոլցը դատապարտել է Մոսկվայի «Կրոկուս Սիթի Հոլ» համերգասրահում տեղի ունեցած ահաբեկչությունը։ Այս մասին կանցլերը գրառում է կատարել X-ի իր միկրոբլոգում։ «Մենք դատապարտում ենք սարսափելի ահաբեկչական հարձակումը Մոսկվայում համերգի անմեղ մասնակիցների դեմ։ Մեր մտքերը զոհերի և բոլոր տուժածների ընտանիքների հետ են»,- գրել է Շոլցը։

ԱՄՆ սենատը հաստատել է 1, 2 տրիլիոն դոլարի ժամանակավոր բյուջեն, որով նախատեսում է փակել ֆինանսական ծախսերը մինչև տարվա վերջ: Նախաձեռնությանը կողմ է արտահայտվել 74 սենատոր, դեմ՝ 24-ը։ Ըստ փաստաթղթի՝ նախատեսում է 300 միլիոն դոլարի հատկացում Ուկրաինային, ինչպես նաև 3,3 միլիարդ դոլարի հատկացում Իսրայելին։

«Կրոկուս սիթի հոլում» տեղի ունեցած ահաբեկչության զոհերի թիվը հասել է 93-ի: Այս մասին հայտնել է ՌԴ ՔԿ-ն: Այս թիվը դեռևս վերջնական չէ և կարող է աճել:

ՀՀ վարչապետ Նիկոլ Փաշինյանը տեսանյութ է հրապարակել՝ կից գրությամբ. «Հայրենիքը պետությունն է. սիրո՞ւմ ես հայրենիքդ՝ մասնակցի՛ր 25-օրյա հավաքներին»։ Զինվորական պատրաստությունը ցանկացած սպառնալիքի կամ ռազմական ագրեսիայի դեպքում հայրենիքի պաշտպանությանը պատրաստվելու լավագույն միջոցն է: Մանրամասները՝ տեսանյութում:

ԱՄՆ պետքարտուղար Էնթոնի Բլինքենը Թել Ավիվում հանդիպել է Իսրայելի վարչապետ Բենյամին Նեթանյահուի հետ՝ որպես Գազայում «կայուն և անհապաղ հրադադարի» հասնելու և Ռաֆայի վրա իսրայելական հարձակումը զսպելու ինտենսիվ դիվանագիտական ջանքերի մաս: Պետքարտուղար Բլինքենի հանդիպումը Իսրայելի ռազմական կաբինետի հետ սկսվել է դրանից կարճ ժամանակ անց, լրագրողներին հայտնել են պետդեպարտամենտում: