Իրանի նավթի նախարար Ջավադ Օվջին հայտարարել է, որ երկրում նավթի արդյունահանումը կավելացվի օրական 400 հազար բարելով, գրել է Mehr-ը։ Ըստ նախարարի` Իրանը վերջին տարիներին ավարտին է հասցրել գրեթե 130 անավարտ նախագիծ և սկսել 28,5 միլիարդ դոլար արժողությամբ 50 նոր նախագիծ։ Բացվելու է 5 նավթաքիմիական գործարան, ինչը կնպաստի նավթի արդյունահանման ավելացմանը, ասել է նա՝ հավելելով, որ […]

Գազայի հատվածում ռազմական գործողության մեկնարկից ի վեր իսրայելական հարվածների հետևանքով սպանված պաղեստինցիների թիվը գերազանցել է 31 հազար 645-ը, իսկ  ավելի քան 73 հազար 676 մարդ վիրավորվել է, վկայակոչելով ՏԱՍՍ-ին` հաղորդել է «Արմենպրես-ը։ Ըստ Գազայի առողջապահական գերատեսչության տարածած հաղորդագրության` վերջին 24 ժամվա ընթացքում 92 մարդ է զոհվել հակամարտության գոտում, 130 մարդ վիրավորվել է։

Ռուսաստանի արտակարգ իրավիճակների նախարարության փրկարարները Ֆիննական ծոցում փրկել են 15 ձկնորսի, ՏԱՍՍ-ին հայտնել են ՌԴ արտակարգ իրավիճակների նախարարությունից։ «Ռուսաստանի արտակարգ իրավիճակների նախարարությունը Ֆինլանդիայի ծոցում փրկել է 15 ձկնորսի, որոնք սահում էին սառցաբեկորի վրայից Լենինգրադի մարզի Վիբորգի շրջանի ջրերում», – հայտնել են նախարարությունից: Փրկարարները օդանավով հասել են և ձկնորսներին տեղափոխել ափ։

ՀՀ ԱԳՆ-ն շնորհավորել է Իռլանդիայի ազգային տոնի՝ Սուրբ Պատրիկի օրվա կապակցությամբ: «Մաղթում ենք բարգավաճում և հետագա հաջողություններ Իռլանդիայի բարեկամ ժողովրդին և կառավարությանը: Հայաստանն արժևորում է ընդհանուր ժողովրդավարական արժեքների վրա հիմնված երկկողմ հարաբերությունները և հանձնառու է խորացնել գործընկերությունը տարածաշրջանային մակարդակում և ԵՄ-ի միջոցով»,- ասվում է հաղորդագրության մեջ:

Թբիլիսիում բողոքի ակցիա է անցկացվել ընդդեմ Ռուսաստանի նախագահ Վլադիմիր Պուտինի։ Ակցիային մասնակցել է ավելի քան 450 մարդ: Ռուսթավելի պողոտայում հավաքված ցուցարարները մեկ րոպե լռությամբ հարգել են Ալեքսեյ Նավալնիի հիշատակը: Ի դեպ, ՌԴ նախագահի ընտրություններում քվեարկելու համար Վրաստանում ընտրատեղամաս չկա:

Չինաստանի Սիչուան նահանգում  անտառային ուժգին հրդեհների պատճառով ավելի քան 3 հազար մարդ է տարհանվել: Հրդեհը արագորեն տարածվում է ուժեղ քամու պատճառով, գրել էէ NHK News-ը: Տուժածների և արտակարգ պատահարի պատճառների մասին տեղեկություններ չկան:

«Արժեր, որ Մակրոնն Օլիմպիադայի ժամանակ հրադադարի առաջարկ ներկայացներ մերձավորարևելյան հակամարտության կողմերին», – ասել է Մարիա Զախարովան` հորդորելով Ֆրանսիայի նախագահին, որ դադարեցնի սպառազինությունների մատակարարումը Կիևին՝ Օլիմպիադայի ընթացքում Ուկրաինայում զինադադարի մասին իր իսկ նախաձեռնությանն ընդառաջ: