Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Ջերմուկ քաղաքում տեղում է ձյուն: Վարդենյաց լեռնանցքում, Վաղարշապատ, Մասիս, Արտաշատ, Ջերմուկ քաղաքներում, Արարատ-Երասխ և Երևան-Սևան 39-49-րդ կմ ավտոճանապարհներին մառախուղ է։ Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Թուրքիայի և Ռուսաստանի նախագահներ Ռեջեփ Թայիփ Էրդողանը և Վլադիմիր Պուտինը Աշխաբադում կայացած բանակցությունների ժամանակ մանրամասն քննարկել են Հարավային Կովկասում և Սիրիայում ստեղծված իրավիճակը։ «Հանդիպման ընթացքում քննարկվել են նաև Պաղեստինում և Սիրիայում վերջին իրավիճակը, ինչպես նաև Հարավային Կովկասում խաղաղության գործընթացը», -Ռիա նավոստիի հաղորդմամբ, հայտնել է Թուրքիայի ղեկավարի գրասենյակը։

«Լուսավոր Հայաստան» կուսակցությունը կմասնակցի 2026 թվականին կայանալիք խորհրդարանական ընտրություններին։ Այս մասին այսօր կուսակցության հոբելյանական համագումարի ժամանակ հայտարարել է կուսակցության նախագահ Էդմոն Մարուքյանը։ «Առաջիկայում սպասվում են ընտրություններ, և ես այժմ բաց քվեարկությամբ դնում եմ հետևյալ հարցը՝ լիազորել կուսակցության ղեկավարությանը՝ սկսել նախապատրաստական աշխատանքներ և սկսել բանակցություններ ավելի խոշորոցաված, ավելի ուժեղ բևեռներով մասնակցելու ընտրություններին։ Մեծամասնությունդ կողմ քվեարկեց, ինչը […]

ժամանակն է ռազմավարական լուծումների Հայաստանի հյուսիսային տրանսպորտային ուղիների արդիականացման շուրջ։ Այս մասին գրել է ՀՀ նախկին փոխվարչապետ, ՀՀ Անվտանգության խորհրդի նախկին քարտուղար, ՀՀ ԱԺ պատգամավոր Արմեն Գևորգյանը։ «Վերջին շրջանում սրված քննարկումները (ցավոք, ոչ այնքան Հայաստանում) տարածաշրջանում բեռնափոխադրումների հնարավոր նոր տարբերակների վերաբերյալ, ինձ ստիպում են կրկին անդրադառնալ մի հարցի, որը նախկինում մի քանի անգամ կարևորել եմ […]

ՀՀ վարչապետ Նիկոլ Փաշինյանը հայտարարել է, որ Ամենայն Հայոց կաթողիկոս Գարեգին Երկրորդը դրժել է իր իսկ ընդունած կանոնադրությունը։ «Կտրիճ Ներսիսյանի հեռացումից հետո Հայաստանյայց Առաքելական Սուրբ եկեղեցու նորոգման՝ իմ կողմից առաջարկված ճանապարհային քարտեզի երկրորդ կետը վերաբերում է Հայաստանյայց Առաքելական Սուրբ եկեղեցու կանոնագրքի ընդունմանը։ «Եվ ուզում եմ ընդգծել, որ այս օրակարգը, ըստ էության, պաշտոնապես արձանագրված է հենց […]

Դեկտեմբերի 12-ին զինծառայող Սմբատ Մհերի Կիրակոսյանի մահվան դեպքի առթիվ նախաձեռնվել է քրեական վարույթ: Այս մասին տեղեկացնում է ՀՀ քննչական կոմիտեի մամուլի քարտուղար Կիմա Ավդալյանը։ Ըստ նախնական տվյալների՝ զինծառայողն իրեն ամրակցված զենքով կրակոց է արձակել գլխի շրջանում, ինչի հետևանքով մահացել է:

Դեկտեմբերի 12-ին՝ ժամը 16:00-ի սահմաններում, հայտնաբերվել է զինծառայող Սմբատ Մհերի Կիրակոսյանի դին՝ հրազենային վնասվածքով: Այս մասին տեղեկացնում է ՀՀ պաշտպանության նախարարությունը։ Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակիցներին։