Հայաստանից Մարգարայի կամուրջով Թուրքիայի երկրաշարժի գոտի բեռնատարներով օգնություն ուղարկելու հետ կապված թուրքական մամուլում նոր մանրամասներ են գրել։ Թուրքական T24–ի փոխանցմամբ՝ Հայաստանից Մարգարայի կամուրջով Թուրքիա անցնելուց հետո կամուրջի մոտ հայկական բեռնատարներին դիմավորել է Իգդիրի արտակարգ իրավիճակների վարչության պետ Բուրհան Չոլլուն։ Համապատսախան ընթացակարգից հետո հայկական բեռնատարները մեկնել են աղետի գոտի, փոխանցում է infoport-ը։ T24–ը նշել է նաեւ, […]

ՀՀ Ազգային ժողովի նախագահ Ալեն Սիմոնյանը շնորհավորական ուղերձ է հղել Իրանին՝ Իսլամական հեղափոխության հաղթանակի 44-րդ տարեդարձի առթիվ․ «Իրանը մեր հազարամյա հարևանն է, Հայաստանի բարեկամը։ Այսպես եղել է, կա և կլինի։ Շնորհավոր Իրանի Իսլամական Հանրապետության Ազգային տոնը»։

Սիրիայում Հայաստանի գլխավոր հյուպատոսության խորհրդական, հյուպատոս Բաբկեն Բադալյանն այցելել է երկրաշարժից հետո քաղաքի հայկական համայնքային կենտրոններում ապաստանած քաղաքացիներին։ Այդ մասին հայտնում է Սիրիայում ՀՀ գլխավոր հյուպատոսությունը: Ավելի վաղ նա այցելել էր Ալ֊Շաար շրջան, որտեղ որոնողական աշխատանքներ է իրականացնում Հայաստանից ժամանած փրկարարների խումբը։ Բադալյանը զրուցել էր Իրանի փրկարարական խմբի գլխավոր համակարգողի հետ, ով բարձր էր գնահատել […]

ՀՀ-ի հետ բանակցություններում Թուրքիայի ներկայացուցիչ Սերդար Քըլըչը  շնորհակալություն է հայտնել հայ ժողովրդին առատաձեռն օգնության համար։ «Շնորհակալություն սիրելի Վահան Կոստանյան, սիրելի Ռուբեն Ռուբինյան, ձեր ջանքերի համար, որոնք սա հնարավոր դարձրին։ Ես միշտ կհիշեմ Հայաստանի ժողովրդի ուղարկած առատաձեռն աջակցությունը` օգնելու մեղմացնել Թուրքիայում երկրաշարժի գոտու մեր քաղաքացիների տառապանքները»,- գրել է նա Թվիթերի իր միկրոբլոգում։

Թուրքիայում և Սիրիայում ավերիչ երկրաշարժի զոհերի թիվը հասել է շուրջ 25 հազարի: Թուրքիայում, վերջին տվյալների համաձայն, զոհվել է 20 665 մարդ։ Այդ երկրի առողջապահության նախարարությունից էլ հայտնել են, որ բնաղետի հետևանքով վիրավորվել է 80 088 քաղաքացի: Հավելենք, որ թարմացված տեղեկությամբ, Սիրիայում զոհվել է ավելի քան 3500 մարդ:

ՀՀ Վահագն Խաչատուրյանը շնորհավորել է Թեհրանին՝ իսլամական հեղափոխության տարեդարձի կապակցությամբ․ «Հայաստանը ձգտում է ընդլայնել Իրանի հետ համագործակցությունը տարածաշրջանում կայունության համար։  Այս համագործակցությունը երկու ժողովուրդների օգտին է։ Իրանի եղբայրական ժողովրդին և կառավարությանը մաղթում ենք խաղաղություն, բարօրություն և բարգավաճում»։ 

Հալեպում ՀՀ գլխավոր հյուպատոսությունն իր էջում լուսանկարներ է հրապարակել հայ փրկարարների աշխատելու վայրերից՝ հայտնելով, որ որոնողական աշխատանքները շարունակվում են: Հիշեցնենք, որ Հայաստանի կառավարությունը հումանիտար օգնություն և փրկարարներ է ուղարկել Սիրիա և Թուրքիա: Սիրիայում աշխատում է 29 հայ փրկարար: