Ծանրամարտի միջազգային ֆեդերացիան Քիշնևում կայացած Եվրոպայի առաջնությունից հետո հրապարակել է տղամարդկանց հավաքանների վարկանիշային աղյուսակը։ Այս վարկանիշը ևս գլխավորել են հայ ծանրորդները՝ հավաքելով 652 միավոր։ Մեր թիմին հաջորդում են Վրաստանի և Թուրքիայի հավաքականները։ Հիշեցնենք, որ ծանրամարտի միջազգային ֆեդերացիայի՝ երեկ հրապարակված կանանց թիմերի վարկանիշը նույնպես գլխավորել էր Հայաստանի հավաքականը։

Մարմնամարզիկ Արթուր Ավետիսյանը ոսկե մեդալ է նվաճել մարմնամարզության աշխարհի առաջնության 6-րդ փուլում: Ավետիսյանը եզրափակիչում 14.466 միավոր է հավաքել և դարձել ոսկե մեդալակիր` հավասարը չունենալով օղակների վարժությունում: Ավելի վաղ աշխարհի գավաթի խաղարկության բացարձակ հաղթող էր դարձել Համլետ Մանուկյանը:

Լիմասոլում անցկացվող սամբոյի պատանիների ԵԱ-ում 50 կգ քաշային Միլենա Առաքելյանը դարձել է Եվրոպայի առաջնության փոխչեմպիոն, այս մասին հայտնել է Հայաստանի սամբոյի ֆեդերացիան։ 54 կգ Մանուշակ Խաչատրյանը և 79 կգ Գոռ Աղասարյանը դարձել են բրոնզե մեդալակիրներ:

Լիմասոլում անցկացվող սամբոյի Եվրոպայի առաջնությունում 64 կգ քաշային կարգում Մհեր Օհանյանը դարձել է Եվրոպայի առաջնության չեմպիոն։ Այս մասին տեղեկացնում է Սամբոյի ֆեդերացիան։ Իսկ 64 կգ Արշակ Բեկչյանը դարձել է փոխչեմպիոն։ 79 կգ քաշային Սամվել Ղազարյանը, 98 կգ Էրիկ Սաղաթելյանը և +98 կգ Արսեն Հայրապետյանը նվաճել են բրոնզե մեդալներ։ Հիշեցնենք՝ Հայաստանի սամբոյի հավաքականի անդամ Արման Ավանեսյանը […]

Հայաստանի սամբոյի հավաքականի անդամ Արման Ավանեսյանը ոսկե մեդալ է նվաճել Կիպրոսում անցկացվող Եվրոպայի մեծահասակների առաջնությունում: Մարտական սամբոյի 98 կգ քաշային կարգի եզրափակչում Ավանեսյանը 9:1 հաշվով վստահ հաղթանակ է տարել Խորվաթիայի ներկայացուցչի նկատմամբ: Հայ մարզիկին չեմպիոնական մեդալով պարգևատրել է Հայաստանի սամբոյի ֆեդերացիայի գործադիր տնօրեն Մխիթար Հայրապետյանը։ Հայաստանի մեծահասակերի հավաքականը ԵԱ-ում ելույթներն ավարտել է 1 ոսկե և […]

Հայաստանի ևս երկու ներկայացուցիչներ սամբոյի Եվրոպայի առաջնության բրոնզե մեդալակիրներ են դարձել: Այս մասին հայտնում է Հայաստանի սամբոյի ֆեդերացիան։ Մարզական սամբոյի 58 կգ քաշային կարգում երրորդ տեղը գրավել է Դավիթ Հովսեփյանը, մարտական սամբոյի 79 կգ քաշային կարգում՝ Արթուր Մալխասյանը: Առաջնության առաջին օրը բրոնզե մեդալակիրներ էին դարձել նաև Համլետ Սուքիասյանը (58 կգ), Մհեր Մերջանյանը (71 կգ) և […]

Մանվել Վարդանյանը դարձել է 2025 թվականի Հայաստանի մինչև 8 տարեկան պատանիների չեմպիոն: Այս մասին տեղեկացնում են Շախմատի ֆեդերացիայից: Հայկ Իվանյանը դարձել է փոխչեմպիոն, իսկ լավագույն եռյակը եզրափակել է Տիգրան Պետրոսյանը: