Ջոն Լենոնի որդին առաջին անգամ հրապարակավ երգել է «Imagine» երգը՝ Ուկրաինային օգնելու համար

Ջուլիան Լենոնը՝ Beatles-ի համահիմնադիր Ջոն Լենոնի որդին, առաջին անգամ կատարել է հոր «Imagine» երգը։ Նա իր ելույթով տեսանյութ է հրապարակել սոցիալական ցանցերում՝ աջակցելով «Ոտքի՛ կանգնիր Ուկրաինայի» արշավին։

Տեսանյութի մակագրության մեջ Լենոն կրտսերը ուկրաինական պատերազմն անվանել է աներևակայելի ողբերգություն, որին, ըստ նրա, պետք է պատասխանի ամենաբովանդակալից կերպով:

«Ես միշտ ասել եմ, որ «Imagine»-ը կերգեմ միայն աշխարհի վերջի դեպքում։ Բայց հիմա երգի բառերը արտացոլում են մեր հավաքական ցանկությունը համաշխարհային խաղաղության համար: Որովհետև այս երգով մենք տեղափոխվում ենք մի տարածություն, որտեղ սերն ու միասնությունը դառնում են մեր իրականությունը, գոնե մի պահ… Այս երգը լույսն է թունելի վերջում»,- ասել է Ջուլիան Լենոնը։

Ընդհանուր առմամբ, Stand Up for Ukraine արշավի շրջանակներում հնարավոր է եղել ներգրավել 4,6 մլրդ դոլարի դրամաշնորհներ և 5,5 մլրդ դոլարի վարկեր։ Միջոցներ տրամադրելու մտադրության մասին հայտարարեցին Եվրահանձնաժողովը (1,1 միլիարդ դոլար), Բելգիան (904 միլիոն դոլար) և Ֆինլանդիան (778 միլիոն դոլար): Հավաքված գումարը կուղղվի եվրոպական երկրներում գտնվող 4,4 միլիոն ուկրաինացի փախստականների և 6,5 միլիոն ուկրաինացիների, որոնք ստիպված են եղել լքել իրենց տները երկրի ներսում։

Աղբյուրը՝ Meduza-ի:

Թարգմանությունը՝ Աստղ Խաչատրյանի։