Գերմանիան ցանկանում է Թուրքիայի հետ երկխոսություն սկսել՝ Ֆինլանդիայի և Շվեդիայի՝ ՆԱՏՕ-ին անդամակցելու հարցի շուրջ

Գերմանիան աջակցում է ՆԱՏՕ-ին միանալու Ֆինլանդիայի եւ Շվեդիայի ցանկությանը` կարեւոր համարելով Թուրքիայի հետ այդ հարցի շուրջ երկխոսությունն ու նրա փաստարկները լսելը: Այս մասին երեքշաբթի Բրյուսելում հայտարարել Է Գերմանիայի պաշտպանության նախարար Քրիստինե Լամբրեխտը ։

Նա հիշեցրել է, որ ՆԱՏՕ-ի ընդլայնման մասին բոլոր որոշումները պետք է կայացվեն միաձայն ։ «Հենց այդ պատճառով է կարեւոր շատ ինտենսիվ բանակցություններ վարել Թուրքիայի հետ, կարեւոր է, որ կասկածները կամ փաստարկները, որոնք բերվում են, լուրջ ընդունվեն», – ասել է նախարարը: Նրա խոսքով՝ դաշինքի ընդլայնումից կշահեն ոչ միայն Ֆինլանդիան ու Շվեդիան, այլեւ բոլոր մասնակից երկրները։ Լամբրեխտը կարծում է, որ Թուրքիան «թույլ կտա իրեն համոզել դա»։

Թուրքիայի նախագահ Ռեջեփ Թայիփ Էրդողանը, երկուշաբթի օրը ելույթ ունենալով Անկարայում, հայտարարել է, որ չի համաձայնվի ՆԱՏՕ-ին Ֆինլանդիայի եւ Շվեդիայի անդամակցությանը այն բանից հետո, երբ այդ երկու երկրները հրաժարվել են բավարարել հանրապետության խնդրանքը ահաբեկչական կազմակերպություններին մասնակցության մեջ կասկածվողների արտահանձնման վերաբերյալ:

Էրդողանի խոսքով՝ Հյուսիսատլանտյան դաշինքը «ահաբեկիչների կենտրնատեղի» կդառնա, եթե Թուրքիան համաձայնի անդամակցել Ֆինլանդիային եւ Շվեդիային: Մեկ այլ պատճառ, որով Անկարան պատրաստ չէ աջակցել այդ երկրների անդամակցությանը ՆԱՏՕ-ին, Էրդողանի խոսքերով,  պաշտպանական արդյունաբերության արտադրանքի մատակարարման սահմանափակումների սահմանումն է:

ՆԱՏՕ-ին Ֆինլանդիայի անդամակցության շուրջ բանավեճն ակտիվացել է ապրիլի սկզբին: Այդ երկրի խորհրդարանի անդամների մեծ մասը կողմ է արտահայտվել դաշինքին նրա անդամակցությանը։