Եվրոպական խորհրդի նախագահ Շառլ Միշելը թվիրթերյան իր էջում ողջունել է ՀՀ և Ադրբեջանի փոխվարչապետների առաջին հանդիպումը հայ-ադրբեջանական սահմանին։
«Ջերմորեն ողջունում եմ հայ-ադրբեջանական սահմանին կայացած սահմանային հանձնաժողովների առաջին հանդիպումը՝ միջպետական սահմանի սահմանազատման և կայուն իրավիճակ ապահովելու ուղիների քննարկումն առաջ մղելու նպատակով։ Սա շոշափելի առաջընթաց է Նիկոլ Փաշինյան և Իլհամ Ալիևի հետ եռակողմ հանդիպման արդյունքում»,–գրել է նա։
Հիշեցնենք, որ 2022 թվականի մայիսի 24-ին Հայաստանի և Ադրբեջանի միջպետական սահմանին տեղի է ունեցել Հայաստանի Հանրապետության փոխվարչապետ Մհեր Գրիգորյանի և Ադրբեջանի Հանրապետության փոխվարչապետ Շահին Մուստաֆաևի առաջին հանդիպումը՝ Հայաստանի և Ադրբեջանի միջև սահմանազատման և սահմանային անվտանգության հարցերով հանձնաժողովների համատեղ աշխատանքի ձևաչափով։