Թիվ 1 ստուդիան հյուրընկալել է «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանին։
Պարոն Իոաննիսյանը նշեց, որ իշխանության ներկայացուցիչնեը հաճախ իրեն մեղադրում են ընդդիմադիր լինելու մեջ, ընդդիմության ներկայացուցիչները՝ իշխանամետ լինելու։
Մենք տեսնում ենք Ոստիկանության թերացումներ․ օրենքի սահմանը անցած հավաքի մասնակցի նկատմամբ ոստիկանը պետք է կարողանա էֆեկտիվ գործել։
Նա հավելեց, որ ընդդիմությունն անհամաչափ քանակով խոչընդոտում է երթևեկությանը Երևան քաղաքում․ որքանո՞վ է նորմալ մի ամիս փակ պահել Ֆրանսիայի հրապարակը․ որքանո՞վ է նորմալ, որ երեք հոգի, ամեն մեկը մի մեքենայի ղեկին՝ պարալիզացնում են Իսակովի պողատան։
Փողոց փակելը չի կարող լինել ինքնանպատակ, երթևեկությունը պարալիզացնելը չի կարող լինել ինքնանպատակ․ այն պետք է լինի միջոց խնդիր բարձրաձայնելու համար։
Մարդիկ ամեն օր ժամերով անցկացնում են խցանումների մեջ, սա միլիոնանոց քաղաք է, չի կարելի այդ հարցը հանել դիսկուրսից։
Հանրահավաքի մասնակիցների հաշվարկի ֆայլը դրվում է կազմակերպության կայքում․ ցանկացած մարդ կարող է ներբեռնել ֆայլը և ստուգել․ եթե որևէ մեկը 10 % սխալանք հայտնաբերի՝ մենք ներողություն կխնդրենք և էլ երբեք չենք հաշվարկի։
Անտարեսի Արմեն Մարտիրոսյանին ծեծեցին ոստիկանության զորքերի մի խումն ծառայողների ներկայությամբ, որոնք ոչ մի բան չէին անում․ ոնց կարող է նման բան լինել․ սա շատ տխուր, բայց Ոստիկանության խնդիրները շատ ճշգրիտ նկարագրող դեպք էր։
Պարեկային ծառայության ներմուծումումից հետո ցուցանիշների վերլուծությունը ցույց է տալիս, որ ֆենոմենալ հաջողություններ կան․
Պարեկային ծառայության համակարգում դրսի աչքով չերևացող առավելությունը ներսում եղած բարքերն են․ ներսում կա ընկալումը, որ եթե իրենց միջև չլինեն արդար և արժանավայել հարաբերություններ՝ իրենք չեն կարողանա դա դրսում տարածել։
