Նույն Ռոբերտ Քոչարյանը՝ կարմիր գիծ գծող էր՝ թող 98-ին գծեր իր համար այդ կարմիր գիծը, չգնար, չբանակցեր։
Թիվ 1 ստուդիան հյուրընկալել է ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանին։
Պարոն Ալեքսանյանը նշեց՝ 20 տարի շարունակ իշխանություն են եղել հանրապետականը, Ռոբերտ Քոչարյանը, Դաշնակցությունը, այդ երեք միավորին եթե վերցնենք՝ միակ կարմիր գծերը, եթե վերցնենք, որ նրանք գծել են իրենց իշխանավարման տարիներին՝ դա եղել է Երևանի կենտրոնում և տարբեր վարչական շրջաններում գծված և պարկինգի համար նախատեսված կարմիր գծերը։ Ուրիշ կարմիր գծեր իրենց արտաքին քաղաքականության կամ ներքին քաղաքականության մեջ չեն գծել։
Նա նաև հավելեց՝ օրինակ՝ ես չգիտեմ՝ հայ ժողովրդից կա՞ մեկը, որ կթրքանա կամ պատրաստ է թրքանալու կամ հնարավոր է նրան թրքացնել․ իմ կարծիքով՝ ոչ։ Օրինակ՝ես նման մտավախություն չունեմ, որ ինձ հնարավոր է թրքացնել, շոտլանդացնել, իռլանդացնել․ ես հայ եմ ծնվել և հայ եմ․ չի կարելի ինձ թրքացնել, կամ շոտլանդացնել, կամ իռլանդացնել։ Իսկ իրենք ինչի՞ այդ մտավախությունն ունեն․ կարողա՞ մի բան կա՝ չգիտենք։
