ԵՊՀ ռեկտոր Հովհաննես Հովհաննիսյանը հուլիսի 11-ին փոխըմբռնման հուշագիր է ստորագրել «Starmus» գիտության, արվեստի և երաժշտության փառատոնի հիմնադիր տնօրեն Գարիկ Իսրայելյանի հետ: Այս մասին գրել է ԵՊՀ ռեկտորը:
Իրավաբանորեն ամրագրելով դեռևս ապրիլին ձեռք բերված պայմանավորվածությունը, ըստ որի՝ ԵՊՀ-ն կդառնա «Starmus»-ի լիարժեք գործընկեր՝ պատրաստ իր ներուժն ու ռեսուրսները ծառայեցնելու միջոցառման առավել արդյունավետ կազմակերպմանը, որն այս տարի անցկացվելու է սեպտեմբերի 5-10-ը Հայաստանում և կրելու է «Starmus festival VI. 50 տարի Մարսի վրա» խորագիրը:
«Մեզ համար հատկանշական է հատկապես այն դրույթը, ըստ որի՝ փառատոնի շրջանակում հրավիրյալ Նոբելյան 3 մրցանակակիրներ ու անվանի 2 գիտնականներ դասախոսություններով հանդես են գալու ԵՊՀ-ում»,- գրել է նա:
