Սոցիալական մեդիայի հսկա Meta-ն քննարկում է AdHawk Microsystems-ը գնելու հնարավորությունները։ AdHawk Microsystems-ը զարգացնում է աչքերի հետագծման տեխնոլոգիա, որը կարող է օգտագործվել վիրտուալ իրականության համար, երկուշաբթի (հուլիսի 25-ին) հաղորդում է Bloomberg-ը՝ վկայակոչելով անանուն աղբյուրներին:
Պատճառն այն է, որ Meta-ն դեռ փնտրում է վիրտուալ և ընդլայնված իրականության հավակնոտ ծրագրեր:
Երեքշաբթի վաղ առավոտյան PYMNTS-ին ուղղված նամակում Meta-ի խոսնակը հրաժարվեց մեկնաբանել. «Մենք չենք մեկնաբանում ասեկոսեները կամ շահարկումները»:
AdHawk-ի աշխատանքը ներառում է MindLink-ը՝ խելացի ակնոցներ, որոնք կարող են հետևել օգտատերերի աչքերի շարժումներին՝ վարքի և նյարդաբանական առողջության մասին տեղեկություններ ստանալու համար:
Ընկերությունն ասում է, որ իր ծառայությունները տարբերվում են այլ աչքի հետագծող սարքերից, քանի որ այն կոմպակտ համակարգ է, որը տեսախցիկ չէ աչքերի շարժումներին հետևելու համար, և այն ավելի ճշգրիտ է դաշտում օգտագործելու համար և կարող է վայրկյանում գրանցել հարյուրավոր բարձրորակ տվյալների կետեր:
Ակնոցներն արժեն $10,000 և նախատեսված են հետազոտության համար, այլ ոչ թե սպառողների համար, բայց կարող են օգտակար լինել Meta-ի նպատակների և այլ ընկերությունների համար, որոնք ցանկանում են ծառայություններ ավելացնել վիրտուալ իրականության ակնոցների համար:
AdHawk-ը աշխատել է Moelis & Co. ներդրումային բանկի հետ և հետաքրքրություն է ցուցաբերել տարբեր հայցորդների, այդ թվում Meta-ի կողմից, Bloomberg-ին հայտնել են աղբյուրները:
Աղբյուրները նշում են, որ Meta-ն շուտով պաշտոնական առաջարկ կանի:
Աղբյուրը՝ pymnts.com
Թարգմանեց՝ Աստղ Խաչատրյանը
