Հենց հասկացանք՝ պետությամբ է հաղթելը, հենց սկսեցինք պետություն դառնալ՝ հաղթել պետք չի, Ադրբեջանն արդեն պարտվել է․ Ա․ Սարգսյան

Թիվ 1 ստուդիան հյուրընկալել է «Հանրապետություն» կուսակցության նախագահ Արամ Սարգսյանին։

Պարոն Սարգսյանը նշեց, որ Ադրբեջանը կորցրել էր 7 շրջան, և անհույս կորցրել էր Լեռնային Ղարաբաղը, այնպիսի շրջաններ էին դարձել սահմանային, որ Հայաստանի և Արցախի սահմաններից հեռու էին հարյուրավոր կիլոմետրեր, բայց իրենք կարողացան հավաքվել համախմբվել, ընդհանուր հայտարարի գալ, հարստնալ և խնդիրներ լուծել․ բա մենք էդքան չկա՞նք․ ԻՀԱՐԿԵ ԿԱՆՔ, ԻՀԱՐԿԵ ԿԱՐՈՂ ԵՆՔ։

Նա նաև հավելեց՝ պատերազմներում հաղթում ու պարտվում են, բայց հաղթում ու պարտվում են պետությունները․ հենց մենք հասկացանք, որ պետությամբ է հաղթելը, հենց մենք սկսեցինք պետություն դառնալ՝ հաղթել պետք չի, Ադրբեջանն արդեն պարտվել է։