Գերմանիայում ատրակցիոնների պարկում «ամերիկյան ոլորտների» վթարում 31 մարդ է տուժել

Գերմանիայի հարավում գտնվող Գյունցբուրգ քաղաքի մոտ գտնվող Legoland զվարճանքի պուրակում տեղի ունեցած վթարի հետևանքով 31 մարդ է տուժել, հայտնում է Sueddeutsche Zeitung-ը՝ հղում անելով ոստիկանությանը։

Տուժածների թվում 10 երեխա կա, մեկ դեռահաս և 20 մեծահասակ։ Մեկ մարդ ծանր վիրավորվել է, սակայն ոստիկանության տվյալներով՝ նրա կյանքին ոչինչ չի սպառնում։

Վթարը տեղի է ունեցել «Հրե վիշապ» կոչվող ատրակցիոնի վրա։ Գնացքներից մեկը կտրուկ արգելակել է՝ մինչ ուղեւորների իջնելու վայր հասնելը։ Արդյունքում նրան հարվածել է հետեւից եկող գնացքը։

Նախնական տվյալներով՝ վթարի պատճառ կարող էր լինել տեխնիկական անսարքությունը։ Տուժածներին օգնելու համար գործի է դրվել երեք փրկարար ուղղաթիռ։ Վթարից հետո ատրակցիոնը փակվել է։

Աղբյուրը՝ Meduza.io

Թարգմանեց՝ Աստղ Խաչատրյանը