Թիվ 1 ստուդիան հյուրընկալել է ռազմական փորձագետ, պահեստազորի գնդապետ Արծրուն Հովհաննիսյանին։
«Մենք արդյո՞ք ուզում ենք պետություն ունենանք․ ես չեմ տեսել մեր էլիտաների մեջ ծանրակշիռ թև, որ ուզում է պետություն ունենալ։
Ես այսօր տեսնում եմ, որ այ հենց այս վայրկյանին ուզում ենք պետության ինչ-որ ինստիտուտներ կայացնենք զրոյից, և բավականին լավ բաներ եմ տեսնում․ բայց չեմ էլ ուզում ընկնենք քարոզչության գիրկը՝ որ ամեն ինչ լավ է, չէ, խնդիրներ շատ կան»,- ասաց պարոն Հովհաննիսյանը։
Նա նաև հավելեց՝ չունեցանք պետական ինստիտուտներ՝ պետություն չենք ունենա․ պետությունն առաջին հերթին պատասխանատվություն է, և ոչ թե իրավունք կամ բոնուսային քարտեր, որ օգտվես այդ ամեն ինչից։ Միջին վիճակագրական լեյտենանտը 93-94 թթ-ից հետո 2020 թ․ դարձել է գնդապետ կամ գեներալ․ եթե ինքը այս ընթացքում թեկուզ որպես հաղթանակած բանակի սպա, չի ինքնակրթվել, եթե ինքը ժամանակակից գիտության պրոցեսներին հաղորդ չի եղել՝ ինքը իրավունք չունի շարունակել ղեկավարել որևէ կառույց։
Պարոն Հովհաննիսյանն ընդգծեց, որ ինչ-որ բարեփոխումներ կատարվում է, ես տեսնում և ոգևորվում եմ այդ ամենից, բայց սիստեմավորման խնդիրը միևնույնն է՝ մնում է, դրա համար լուրջ աշխատանք պետք է կատարել։
