Թիվ 1 ստուդիան հյուրընկալել է «Դեմոկրատական այլընտրանք» կուսակցության նախագահ, քաղաքագետ Սուրեն Սուրենյանցին։
Պարոն Սուրենյանցը նշեց, որ առաջին պատերազմում հաղթանակը պետք էր ֆիքսել խաղաղության պայմանագրով՝ փոխզիջումների հիման վրա, կամ, ինչպես ինքն է ասում, արժանապատիվ խաղաղության օրակարգի ամրագրմամբ։
Նա նաև հավելեց՝ դրսում գնալ փոխզիջումների մասին բանակցել, գալ ներսում՝ հասարակությանը խաբել հայրենասիրական նարատիվով, այդ ընթացքում թալանել երկիրը, կեղծել ընտրությունները, դավաճան ներկայացնել այն մարդկանց, որոնք խոսում են արժանապատիվ խաղաղության մասին։
Մառազմն այն է, որ այսօր Մեղրիի միջանցքի հարցով Փաշինյանին մեղադրում են նույնիսկ այն ուժերը, որոնց թեթև ձեռքով Մեղրիի փոխանակման հարցը մտել է օրակարգ դեռևս 1998-1999 թվերին, խոսքս Քոչարյանի մասին է։
«Մեր զինված ուժերը չեն կարող լինել մեր անվտանգության գլխավոր երաշխիքը, անվտանգության բաղադրիչ կարող են լինել․ այլ երկրի խաղաղապահ կոնտինգենտը կամ ուժերն էլ չեն կարող լինել։ Այդ պարագայում պետք է ռիսկերը կառավարես, պետք է կանխատեսելի ու բնականոն հարաբերություններ ունենաս Ադրբեջանի և Թուրքիայի հետ։
Ունենք ռուսահպատակ իշխանություն և ունենք Ռուսաստանի ձեռքին մահակ՝ այդ իշխանության գլխին, եթե այդ իշխանությունը փորձում է ամեն դեպքում արտաքին քաղաքական ինչ-որ հնարավորություններ մեծացնել»,- եզրափակեց պարոն Սուրենյանցը։
