Ալլա Պուգաչովան դիմել է ՌԴ Արդարադատության նախարարությանը

Երգչուհի Ալլա Պուգաչովան սոցցանցերում հրապարակել է «դիմում Ռուսաստանի Դաշնության արդարադատության նախարարությանը», որում խնդրում է իրեն ընդգրկել «իր սիրելի երկրի օտարերկրյա գործակալների շարքերում»։

Պուգաչովան ասել է, որ ինքը համերաշխ է իր ամուսնու՝ Մաքսիմ Գալկինի հետ՝ «ազնիվ, պարկեշտ և անկեղծ մարդ, Ռուսաստանի իսկական և անկաշառ հայրենասեր», ով իր երկրին մաղթում է «խաղաղ կյանք, խոսքի ազատություն» և «պատրանքային նպատակների պատճառով» մարդկանց վախճանի դադարեցում։

Սեպտեմբերի 16-ին Արդարադատության նախարարությունը «օտարերկրյա գործակալ» է հայտարարել Մաքսիմ Գալկինին, ով քննադատել է Ռուսաստանի իշխանություններին Ուկրաինայի վրա հարձակման համար։ Գերատեսչության տվյալներով՝ արտիստը քաղաքական գործունեություն է ծավալում և օգնություն է ստանում արտասահմանյան աղբյուրից՝ Ուկրաինայից։

Աղբյուրը՝ Meduza.io