Վարչապետը ներկա է գտնվել նոր Պալիատիվ ծառայության կլինիկայի բացման արարողությանը
Վարչապետ Նիկոլ Փաշինյանն այսօր Երևանում մասնակցել է ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնի նոր Պալիատիվ ծառայության կլինիկայի բացման և ՈՒԱԿ-ի հիմնադրման 75-ամյակին նվիրված հանդիսավոր արարողություններին:
Կառավարության ղեկավարը ՈՒԱԿ-ի տնօրեն Նարեկ Մանուկյանի ուղեկցությամբ շրջայց է կատարել նորաբաց կլինիկայում, ծանոթացել իրականցված աշխատանքներին և առողջապահական որակյալ ծառայություններ մատուցելու նպատակով ստեղծված պայմաններին, պատասխանատուների հետ զրուցել կլինիկայի գործունեության առանձնահատկությունների և առաջիկա ծրագրերի մասին:
Վարչապետին ներկայացվել է, որ ժամանակակից անհրաժեշտ բժշկական բոլոր սարքավորումներով հագեցած Պալիատիվ ծառայության կլինիկան համապատասխանեցվել է հիվանդանոցաշինության միջազգային չափանիշներին և այն հնարավորություն կընձեռի մատուցել ժամանակակից, որակյալ և հասանելի բժշկական ծառայություններ:
ՈՒԱԿ-ում շրջայցի ընթացքում Նիկոլ Փաշինյանին զեկուցվել է նաև հիմնական մասնաշենքի արդիականացման ուղղությամբ իրականացված մեծածավալ շինարարական և տեխնիկական վերազինման աշխատանքների, բուժհաստատության կողմից մատուցվող նոր ծառայությունների մասին, որոնց մի մասը բացառիկ է Հայաստանի համար:
Կառավարության ղեկավարն այնուհետև ՈՒԱԿ-ի պրոֆեսոր Հայրապետ Գալստյանի անվան դահլիճում մասնակցել է Ուռուցքաբանության ազգային կենտրոնի 75-ամյակին նվիրված հոբելյանական միջոցառմանը:
Նիկոլ Փաշինյանը շնորհավորել է բժշկական կենտրոնի բոլոր աշխատակիցներին կենտրոնի հոբելյանի կապակցությամբ, մաղթել հետագա հաջողություններ: Վարչապետը նաև պարգևներ և շնորհակալագրել է հանձնել Ուռուցքաբանության ազգային կենտրոնի վաստակաշատ բժիշկներից մի քանիսին:
Recent Posts
Պահովագրության համակարգի երեք կողմից և ոչ մեկի օպտիմալ շահը չպետք է ստորադասվի․ Ավանեսյան
Առողջապահության նախարարությունից հայտնում են․ «Հայաստանի բժշկական հաստատությունների միություն» ՀԿ-ի ընդլայնված կազմի հետ նախարար Անահիտ Ավանեսյանի…
Իրանը պաշտոնական ազդանշան է ուղարկում ոչ միայն ՄԱԿ-ին, այլև տարածաշրջանի բոլոր երկրներին․ Զաքարյան
ՀՀ ՊՆ նախկին փոխնախարար Արտակ Զաքարյանը գրում է․ «Ըստ «The New York Times»-ի պենտագոնյան աղբյուրի,…
Ռուբեն Վարդանյանը ձայնային հաղորդագրություն է թողել Բաքվի դաժան «դատավճռից» հետո
Դատավճռից հետո ընտանիքի հետ կայացած հեռախոսազրույցի ժամանակ Ռուբեն Վարդանյանը շնորհակալություն է հայտնել բոլոր նրանց, ովքեր…
Արցախի առաջնորդների դատավարություններով Ալիևը վրեժ է լուծում առաջին Ղարաբաղյան պատերազմի պարտության համար. «Deutsche Welle»
Բաքվի ռազմական դատարանը ցմահ կամ երկարժամկետ ազատազրկման է դատարապրետ Արցախի ռազմաքաղաքական ղեկավարներին։ Գերմանացի փորձագետը DW-ին…
Ցուցանիշը գերակատարված է․ այն ավելի բարձր է, քան աշխարհի միջին ցուցանիշը․ Պապոյան
Կառավարության 2021- 2026 թթ. ծրագրով միջին տնտեսական աճի թիրախը դրված էր 7%։ Ֆեյսբուքում նման գրառում…
Չկա աշխարհում մեկ այլ ժողովուրդ, որին նման հետեւողականությամբ նպատակադրված եւ հաջողությամբ խաբեն
ՀՀԿ փոխնախագահ Արմեն Աշոտյանը գրում է․ «Արտասահմանյան ներդրումների խոստումների շուրջ իշխանական քարոզիչների տենդը նոր չէ։2018-ի…