Սյունիքի մարզպետ Ռոբերտ Ղուկասյանն այսօր ընդունել է Հայաստանում Նիդերլանդների Թագավորության դեսպան Նիկո Սխերմերսին։ Հայտնում են Սյունիքի մարզպտերանից։
Մարզպետը շնորհակալություն է հայտնել դեսպանին՝ այս դժվարին ժամանակահատվածում Սյունիք այցելելու համար՝ նշելով, որ միջազգային գործընկերների այցերն ու աջակցությունը շատ կարեւոր են մարզային իշխանության համար։
Պատասխանելով դիվանագետի հարցերին՝ Ռոբերտ Ղուկասյանը ներկայացրել է սեպտեմբերյան պատերազմի օրերին մարզում ստեղծված իրավիճակը, ինչպես նաեւ դրա հետեւանքներով առաջ եկած բարդությունները, որոնց առնչվում են Սյունիքն ու նրա բնակիչները։
«Անշուշտ բոլորս ենք ցնցված նրանից, ինչ կատարվեց սեպտեմբերին, – ասաց Նիկո Սխերմերսը, – դրա համար էլ այցելել եմ Սյունիք, որպեսզի տեղում իմանամ, թե ինչ է կատարվել ու կատարվում»։
Հանդիպման ընթացքում կողմերը խոսել են մի շարք թեմաներից, որոնք վերաբերում էին անվտանգային, քաղաքական հարցերի, նաեւ կրթությանը, գյուղատնտեսությանը, տնտեսական, համայնքային զարգացմանը եւ այլն։ Դեսպանը նաեւ ներկայացրել է այն ոլորտները, որոնց ուղղությամբ Նիդերլանդների դեսպանատունը պատրաստակամ է աջակցել մարզին։
«Սյունիքը կարեւոր է ու միշտ մեր ուշադրության կենտրոնում է», – հանդիպման ավարտին ասել է բարձրաստիճան դիվանագետը։
ՀՀ ՏԿԵ նախարար Գնել Սանոսյանի ուշադրության կենտրոնում է նաև հանքարդյունաբերության ոլորտը: Այդ մասին հայտնում են…
Իսրայելի պաշտպանության բանակը հայտարարել է, որ «Հեզբոլլահի» բարձրաստիճան պաշտոնյա Նաբիլ Քաուկը սպանվել է անցած գիշեր…
«Հանուն Հանրապետության» կուսակցության նախագահ Արման Բաբաջանյանը ֆեյսբուքյան իր էջում գրում է․ «Մայր Աթոռ Սուրբ Էջմիածնի…
Ադրբեջանի ՊՆ հաղորդագրությունը, թե իբր սեպտեմբերի 28-ին՝ ժամը 23։20-ի սահմաններում, ՀՀ ԶՈՒ ստորաբաժանումները կրակ են…
Վարչապետ Նիկոլ Փաշինյանը տիկնոջ՝ Աննա Հակոբյանի հետ Սևանի Արևիկ հանգստյան գոտում հանդիպել է «ՀՀ վարչապետի…
Իսրայելի կողմից «Հեզբոլլահի» ղեկավար Հասան Նասրալլայի սպանությունը կվերափոխի Մերձավոր Արևելքի ուժային կառույցները։ Նման հայտարարություն է…