Սթիվ Ջոբսի հին սանդալները վաճառվել են աճուրդում

Կալիֆորնիայում Julien’s Auctions-ի աճուրդում Սթիվ Ջոբսի հին սանդալները վաճառվել են ռեկորդային 218,7 հազար դոլարով: Գումարը չորս անգամ գերազանցում էր գնահատողների կանխատեսումը, որոնք սկզբում սահմանել էին 60000 դոլար նշաձող: Այս մասին հայտնում է KRQE հեռուստաալիքը։

Apple-ի հիմնադիրը 1970-1980-ական թվականներին կրում էր գերմանական Birkenstock ապրանքանիշի այս թավշյա սանդալները: Այդ ժամանակ՝ 1976 թվականին, Ջոբսը Apple-ի համահիմնադիր Սթիվ Վոզնյակի հետ միասին սկսեց համակարգիչ մշակել իր ծնողների տանը՝ Լոս Ալտոսում, Կալիֆորնիա:

Ըստ գնահատողների՝ կոշիկները լավ վիճակում են։ Հաղորդվում է, որ Ջոբսը մի անգամ նետել է սանդալները, սակայն նրա տնային տնտեսուհի Մարկ Շեֆը դրանք հանել է աղբարկղից և փրկել:

Կոշիկի հետ վաճառվել է նաև Apple-ի հիմնադրի ոտքերի NFT լուսանկարը։ Ավելի վաղ մի զույգ կոշիկ ներկայացված էր Միլանում, Գերմանիայում և ԱՄՆ-ում անցկացվող ցուցահանդեսներին։

Աղբյուրը՝ snob.ru