Թիվ 1 Ստուդիան հյուրընկալել է «Ինքնիշխան Հայաստան» կուսակցության նախագահ Դավիթ Սանասարյանին:
Սանասարյանը նշեց, որ. «Նման պատրանքներ չունեմ, որ մենք ՆԱՏՕ անդամ ենք դառնալու, բայց ես կարծում եմ մենք կարող ենք դառնալ գործընկեր, պարտադիր չէ անդամ դառնանք: Մենք կարող ենք ոչ միայն ՆԱՏՕ-ի, այլ նաև ոչ ՆԱՏՕ-ի անդամ մյուս երկրները, որոնք որ ունեն ուժեղ և զարգացած բանակ, նրանց հետ լուրջ համագործակցության հնարավորություն կա, որոնք ունեն զարգացած ռազմաարդյունաբերություն․ դրա տարբերակը հետևյալն է․ Հայաստանը ՄԱԿ-ի ամբիոնից հայտարարում է, որպես զինված նեյտրալիտետ․ դա հատուկ կարգավիճակ է, և օգտվում է այդ կարգավիճակն ունեցողի բոլոր հնարավորություններից։
Էս ամեն ինչը չտեսնել, զուտ վախենալ, որ «դաշնակիցը» ՀԱՊԿ-ից դուրս գալով մեր հետ ուրիշ ձև կվարվի. Ամեն ձև վարվել են, մենք ինչպե՞ս ենք պատկերացնում այդ կարգավիճակն ընդունե՞նք, որ մեր առջև փշրանքներ են լցնում, ընդունե՞նք, որ մենք դրան ենք արժանի ու շարունակենք, իսկ վաղը, որ ուրիշ էսկալացիա եղավ` ի՞նչ ենք անելու:
Շատ կարևոր հարց է սպառազինության հարցը, Ռուսաստանը մեզնից սպառազինություն է ուզում, ու մեզ չի տալիս, որովհետև այս պահին ինքը ճգնաժամի մեջ է, մենք ճգնաժամի մեջ ենք, բայց ինքը, և´ ճգնաժամի, և´ քաոսի մեջ է հայտնվում, ինչպե՞ս ենք լուծելու մեր խնդիրները: Իսկ առհասարակ՝ ՆԱՏՕ անդամ երկրներն ընդհանրապես չեն պատրաստվում և պատրաստվելու լուրջ սպառազինություն տրամադրել ՀԱՊԿ անդամ Հայաստանին։
Չկա խաղաղություն, եթե պատրաստ չես ոտքի կանգնես և մնաս ոտքի վրա։
Ուժեղ առաջնորդը նա է, ով որ կարողանում է պարտությունը վերածել հաղթանակի»:
