Թիվ 1 ստուդիան հյուրընկալել է սոցիոլոգ Կարեն Սարգսյանին։

Պարոն Սարգսյանը նշեց՝ ահաբեկիչը չի կարող լինել միջնորդ, չի կարող լինել վստահելի գործընկեր․ վերջ, հարցը փակ է․ Ռուսաստանի հետ ցանկացած կապ լինելու է տոքսիկ և հանցավոր։ Ճանաչեցին ահաբեկիչ երկիր․ ահաբեկիչը չի կարող լինել միջնորդ, չի կարող լինել վստահելի գործընկեր, չի կարող լինել տնտեսական սպառման երկիր, ուղղակի չի կարող։

Նա նաև հավելեց, որ չենք մոռանում, որ 44-օրյայի ժամանակ արցախցիներին (մերոնց էլ հետը) դավաճանել են Արցախի ղեկավարությունը։ Այնտեղ մի ստվար զանգված կա, որոնց հիմնականում ասում են Քոչարյանականներ, որոնք կտրականապես դեմ են, որ Արցախի և Հայաստանի հարկային դաշտը միավորվի․ այնտեղ բավականին լուրջ հարցեր կան․ իհարկե՝ փողն է դավաճանության պատճառը, ոչ մի ուրիշ բան չկար։ Որովհետև եթե իրենք դրան չգնային՝ մենք շատ հանգիստ կդիմադրեինք․ ծանր կլիներ, բայց կդիմադրեինք։

Որոշումը կայացված է․ Ռուսաստանին ամբողջ տարածաշրջանից հանելու են․ յուրաքանչյուր ռուս զինվոր Ռուսաստանի սահմաններից էլ չի դուրս գալու․ աշխարհը փոխվում է․ Արցախի հարցը լուծվում է Ուկրաինայում․ ցավում եմ Արցախցիների համար, ովքեր դա չընկալեցին։

Մեր հետ խնդիր ոչ մեկ չունի․ խնդիրը մեր զգացմունքների մեջ է, որը մենք ունենք Ռուսաստանի հանդեպ, և դա պրոբլեմ է։ Մարդիկ ներքին կոնֆլիկտ են ունենալու, չեն հասկանալու՝ ինչ է․ ես հասկանում եմ դա ինչ է․ կոմֆորտի զոնայից չեն ուզում դուրս գան,- եզրափակեց նա։