Իրանում բլոգերներին ազատազրկման են դատապարտել պարով տեսանյութի համար

Իրանի դատարանը 10,5 տարվա ազատազրկման է դատապարտել երկու բլոգերի՝ տեսանյութ հրապարակելու համար, որտեղ երևում է, թե ինչպես է զույգը պարում Թեհրանի գլխավոր Ազադի հրապարակում՝ հակակառավարական ցույցերը ճնշելու ֆոնին:

Այս մասին հայտնում է IranWire լրատվական գործակալությունը։

«Թեհրանի հեղափոխական դատարանի 15-րդ բաժանմունքը նրանց մեղադրել է «կոռուպցիան խրախուսելու, հավաքներ անցկացնելու և երկրի ազգային անվտանգության խաթարմանն ուղղված դավաճանության մեջ», -ասվում է հայտարարության մեջ։

Դատարանի արձանագրությունների համաձայն՝ դատապարտյալներ Ամիր Ահմադին և նրա զուգընկերուհին՝ Աստիագե Հագիղին դատական ​​լսումների ժամանակ զրկվել են պաշտպան ունենալու իրավունքից, իսկ գրավի դիմաց նրանց ազատ արձակելու վերաբերյալ դիմումը մերժվել է։

Բացի այդ, նրանց արգելվում է ակտիվ լինել սոցիալական ցանցերում և հեռանալ Իրանից՝ ազատազրկման ժամկետի ավարտից հետո 2 տարվա ընթացքում։