Ոստիկանության «Զվարթնոց» օդանավակայանի գծային բաժնի քրեական հետախույզների ձեռնարկած միջոցառումների շնորհիվ հունվարի 31-ին Դուբայ-Երևան չվերթի ինքնաթիռի ժամանումից հետո օդանավակայանում հայտնաբերվել, ձերբակալվել և գծային բաժին է տեղափոխվել Չինաստանի քաղաքացի Ման Մ.-ն: Նա 2016 թ. մարտի 29-ից Չինաստանի Ինտերպոլի կողմից հետախուզվում էր խարդախության մեղադրանքով:
ՀՀ ներքին գործերի նախարարության ոստիկանությունից «Արմենպրես»-ին տեղեկացրել են, որ խափանման միջոց է ընտրվել կալանքը:
Ըստ աղբյուրի՝ հետախուզվողի հայտնաբերման մասին հայտնվել է Հայաստանում Ինտերպոլի ազգային կենտրոնական բյուրո և դատախազությանը:
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
